अहिल्यानगर : एका कंपनीत अनेक वर्ष सिनियर व ज्युनियर अकौंटंट म्हणून काम पाहणाऱ्या दोघांनी वेळोवेळी नऊ कोटी ८१ लाख रूपये स्वतःच्या व नातेवाईकांच्या बँक खात्यात टाकून अपहार केला. याप्रकरणी शहरातील दोघांविरुद्ध तोफखाना पोलिस ठाण्यात गुन्हा दाखल करण्यात आला आहे. पुनीत अभयराज गुगळे (रा. कोर्टगल्ली, अहिल्यानगर) व अन्सार निसार शेख (रा. गजराजनगर, छत्रपती संभाजीनगर रोड, अहिल्यानगर) असे गुन्हा दाखल झालेल्यांची नावे आहेत.