Indian Cricketer Abroad: मराठमोळा अष्टपैलू जपानच्या क्रिकेट विश्‍वात चमकतोय; आदित्य फडकेची मातृभूमी भेट, बालपणीच्या आठवणींना उजाळा!

-मनोज जोशी

कोपरगाव : जपानच्या आंतरराष्ट्रीय क्रिकेट रंगमंचावर आपल्या अष्टपैलू कामगिरीने छाप उमटवणारा तरुण क्रिकेटपटू आदित्य अमित फडके नुकताच कोपरगाव भेटीवर आला होता. मराठमोळा हा खेळाडू सध्या जपानच्या अंडर-१९ क्रिकेट संघाचा प्रभावी अष्टपैलू म्हणून ओळख निर्माण करत असून, त्याच्या भेटीमुळे स्थानिक क्रिकेटप्रेमींमध्ये उत्साहाचे वातावरण आहे. आदित्य हा मूळ कोपरगावचे आशिष फडके यांचा पुतण्या आहे.