नगर : 'त्या' मुलीच्या शोधासाठी हिंदुत्ववादी संघटना आक्रमक

श्रीरामपूर (जि.अहमदनगर) : तालुक्यातील बेलापूर येथील एका अल्पवयीन मुलीला २३ जूलै रोजी आयुब शेख नावाच्या तरुणाने खोटे अमिष दाखवून पळवून नेले. याप्रकरणी येथील शहर पोलीस ठाण्यात अपहरणाचा गुन्हा दाखल झाला आहे. या घटनेला सोमवारी (ता.९) तब्बल १७ दिवस उलटूनही पोलिसांना अद्याप कुठलाही तपास लागलेला नाहीत. त्यामुळे शहरातील हिंदुत्ववादी संघटना आक्रमक झाल्या, असून आज (सोमवारी) सकाळी ११ वाजता येथील मेनरोडवरुन गांधी पुतळ्यामार्गे घोषणा देत, शहर पोलीस ठाण्यासमोर निषेध मोर्चा काढण्यात आला.

कुटुंबियांना ताब्यात घेवून सखोल चौकशीची मागणी

यावेळी सबंधीत आरोपीच्या कुटुंबियांना ताब्यात घेवून सखोल चौकशी करण्याची मागणी मुलीच्या आईने पोलिस प्रशासनाकडे केली. या संदर्भात हिंदुत्ववादी संघटनेच्या पदाधिकारी व कार्यकर्त्यांनी निषेध नोंदवुन पोलीस निरीक्षक संजय सानप यांना निवेदन दिले. पोलिस प्रशासनाने सदर मुलीचा तातडीने शोध घेवुन तिला पळून नेणारया आरोपीवर कठोर कारवाई करण्याची मागणी निवेदनाद्वारे करण्यात आली.