लग्न केले अन् जेलमध्ये गेले

बालविवाह करणाऱ्या तिघांसह ३३ जणांवर गुन्हा
child marriage
child marriagesakal media

पाथर्डी : तालुक्यात एकाच दिवशी वेगवेगळ्या ठिकाणी अल्पवयीन तीन मुलींचे विवाह लावण्याचा धक्कादायक प्रकार नगर येथील चाइल्डलाइन संस्थेच्या सतर्कतेमुळे उघडकीस आला. याप्रकरणी आज (मंगळवारी) एकूण ३३ जणांविरोधात गुन्हा दाखल करण्यात आला आहे. अद्यापपर्यंत एकाही आरोपीला अटक झालेली नाही.

child marriage
Health Department Exam : आरोग्य विभागाकडून 'न्यासा'ला नोटीस

यासंदर्भात अधिक माहिती अशी, फिर्यादी भगवान भिवसेन खेडकर यांना रविवारी (ता. २४) दुपारी अडीचच्या सुमारास अल्पवयीन तीन मुलींचे विवाह लावले जात असल्याची माहिती चाइल्डलाइन संस्थेने दिली. त्यानंतर खेडकर गावात गेले असता, एक मंदिरासमोर, गावाबाहेरील वस्तीवर दुसरा, तर गावातीलच एका घरासमोर तिसरा विवाह झाल्याची माहिती त्यांना मिळाली. त्यांनी वधूंच्या वयासंदर्भातील कागदपत्रांची पडताळणी गावातील शाळेत जाऊन केली असता, दोन मुली अल्पवयीन असल्याचे आढळून आले. तिसरी मुलगी बीड जिल्ह्यातील असून, खेडकर यांनी तिच्या गावात जाऊन शाळेतील दाखल्याची तपासणी केली. तीही अल्पवयीन असल्याचे समोर आले.

child marriage
एनसीबीनं प्रभाकर साईलला बजावलं समन्स, गुरुवारी होणार चौकशी

आज (मंगळवारी) खेडकर यांनी पाथर्डी पोलिस ठाण्यात दिलेल्या फिर्यादीवरून तिन्ही नवरदेव, मुला-मुलींचे आई-वडील, लग्न लावून देणारे नातेवाईक व पुरोहित, मंडपवाला, अशा ३३ जणांविरोधात गुन्हा दाखल केला आहे. पोलिस कॉन्स्टेबल एस. बी. बटुळे तपास करीत असून, या घटनेतील एकाही आरोपीला अद्याप अटक करण्यात आली नाही.

वरातीदरम्यान झाला होता वाद

गावातील मंदिरासमोरील विवाहसोहळ्यात मंगलाष्टके सुरू असताना एका नवरदेवाची वरात वाजतगाजत आली. यावेळी मंगलाष्टक थांबविण्यावरून दोन्ही विवाहसोहळ्यांतील वऱ्हाडींत वाद झाला होता. एक लग्न ज्या पुरोहिताने लावले, तो त्याचा पहिलाच विवाहसोहळा होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com