हा आहे नगरचा आजचा कोरोनाचा स्कोअर

नगर ः जिल्ह्यात आज दिवसभरात 207 रुग्णांनी कोरोनावर मात केल्याने त्यांना रुग्णालयातून घरी सोडण्यात आले. आतापर्यंत जिल्ह्यातील 54 हजार 53 जणांनी कोरोनावर मात केली आहे. आजची रुग्ण बरे होण्याची टक्केवारी 95.94 इतकी आहे. नव्याने 260 कोरोनाबाधितांची भर पडली असून, जिल्ह्यातील बाधितांचा आकडा 56 हजार 342 झाला आहे. त्यातील 861 जण मृत्युमुखी पडले आहेत. सध्या 1428 जणांवर रुग्णालयात उपचार सुरू आहेत. 

जिल्हा रुग्णालयातील तपासणी अहवालात 43 बाधित निघाले आहेत. यामध्ये महापालिका हद्दीतील 24, जामखेड एक, कोपरगाव एक, नगर ग्रामीण एक, नेवासे दोन, पारनेर तीन, पाथर्डी दोन व अन्य जिल्ह्यातील एकाचा समावेश आहे. खासगी प्रयोगशाळेतील अहवालात 48जण बाधित आढळले आहेत. यामध्ये महापालिका हद्दीतील 14, अकोले दोन, कोपरगाव तीन, नगर ग्रामीण दोन, नेवासे एक, पारनेर दोन, पाथर्डी दोन, राहाता पाच, राहुरी दोन, संगमनेर 12, शेवगाव एक, श्रीरामपूर एक व कॅंटोन्मेंटमधील एकाचा समावेश आहे.

अँटिजेन चाचणीत 169 जण बाधित आढळून आले आहेत. त्यांमध्ये महापालिका हद्दीतील नऊ, अकोले 10, जामखेड एक, कर्जत पाच, कोपरगाव तीन, नगर ग्रामीण एक, नेवासे 12, पारनेर 24, पाथर्डी 10, राहाता आठ, राहुरी पाच, संगमनेर 57, शेवगाव तीन, श्रीगोंदे 14, श्रीरामपूर सहा, तसेच कॅंटोन्मेंटमधील एकाचा समावेश आहे. 

दरम्यान, जिल्ह्यातील 207 रुग्णांनी कोरोनावर मात केल्याने त्यांना घरी सोडण्यात आले आहे. यामध्ये महापालिका हद्दीतील 20, अकोले 14, जामखेड आठ, कर्जत 26, कोपरगाव सात, नगर ग्रामीण दोन, नेवासे नऊ, पारनेर दोन, पाथर्डी 19, राहाता 18, राहुरी तीन, संगमनेर 32, शेवगाव 30, श्रीगोंदे 12, श्रीरामपूर तीन, कॅंटोन्मेंट एक, तसेच मिलिटरी हॉस्पिटलमधील एकाचा समावेश आहे. 

संपादन - अशोक निंबाळकर
......