अहमदनगर : जिल्ह्यातील कोरोना रुग्णसंख्येत (ahmednagar district corona cases) बुधवारी (ता. ५) मोठी वाढ झाली. दिवसभरात ११५ नवीन रुग्ण वाढले आहेत. अहमदनगर शहरात सर्वाधिक २१ रुग्ण आढळून आले आहेत.
जिल्हा शासकीय रुग्णालयाच्या (government hospital in ahmednagar) प्रयोगशाळेत ४७, खासगी रुग्णालयाच्या प्रयोगशाळेत ५२ आणि अँटिजेन चाचणीत १६ रुग्ण आढळून आले. जिल्ह्यातील बाधितांची एकूण संख्या तीन लाख ५९ हजार ३३० झाली आहे. सध्या ४३३ रुग्णांवर उपचार सुरू आहेत. आरोग्य विभागाच्या पोर्टलवर मृत्युमुखी पडणाऱ्यांची संख्या आता सात हजार १५६ झाली आहे.
नगर तालुका रुग्ण संख्येत दुसऱ्या क्रमांकावर आला आहे. १५ रुग्ण आढळून आले आहेत. संगमनेर तालुका रुग्ण संख्येत तिसऱ्या क्रमांकावर आला असून दहा रुग्ण आढळून आले. श्रीगोंदे नऊ, पारनेर व पाथर्डीत प्रत्येकी आठ, अकोले सात, शेवगाव, राहाता आणि श्रीरामपूरमध्ये प्रत्येकी सहा, भिंगार चार, कर्जत व राहुरी प्रत्येकी तीन, कोपरगाव व नेवासे प्रत्येकी एक रुग्ण आढळून आला. बाहेरील जिल्ह्यांतील चार, तर परराज्यांतील तीन रुग्ण आढळून आले आहेत.
कोरोनातून बरे झालेल्या ६२ रुग्णांना घरी सोडण्यात आले. आतापर्यंत तीन लाख ५१ हजार ७४१ रुग्ण बरे झाले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.