भाळवणी: येथील शृंगऋषी डोंगराच्या पायथ्याशी जुन्या काळातील बॉम्बगोळा आढळून आला. येथील सैनिक बॅंकेचे संचालक अरुण रोहकले, अभिजित रोहकले, डॉ. संजय बांडे हे व्यायाम करण्यासाठी बुधवारी सकाळी तेथे गेले असता त्यांना दगडी वरवंट्यासारखी वस्तू दिसली. जवळ जाऊन पाहिली असता ती वस्तू बॉंबसदृश असल्याचे जाणवले.
या बाबत अरुण रोहकले यांनी प्रशासनास माहिती दिली. तहसीलदार ज्योती देवरे व पोलिस निरीक्षक राजेश गवळी यांनी घटनास्थळी जाऊन पाहणी केली. त्यांनी नगरच्या लष्करी अधिकाऱ्यांना बोलावून या संबंधीचा निर्णय घेणार आहे. सध्या त्या ठिकाणी पोलिस बंदोबस्त ठेवण्यात आला आहे. पुढील कारवाईसंदर्भात लष्करी अधिकाऱ्यांशी संपर्क साधण्यात आला असल्याची माहिती तहसीलदार ज्योती देवरे यांनी दिली.
जाणून घ्या - अजिंक्य रहाणेच्या मामासोबत झालं असं...सगळे हळहळले
या डोंगरावर साधारण पन्नास वर्षांपूर्वी एक लष्करी मालवाहू विमान कोसळले. या अपघातातील ती वस्तू असावी अशी शंका जुन्या लोकांनी व्यक्त केली. दरम्यान, काल (ता. 20) सायंकाळी विंग कमांडर ए. के. भट्टाचार्य यांनी घटनास्थळी भेट देऊन पाहणी करून ही बॉंम्ब सदृष्य वस्तून असल्याचा निर्वाळा दिला.
या डोंगरावर 16 ऑगस्ट 1971 साली रशियन बनावटीच्या मालवाहू विमानाचा अपघात झाला होता. यात दहा जणांचा मृत्यू झाला होता. त्यावेळी या विमानातील काही विखुरलेले बॉंम्ब जमिनीखाली नष्ठ केले होते.
- सुलतान शेख, सेवानिवृत्त सैनिक.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.