अहिल्यानगर/राहुरी : राहुरी पोलिसांनी बनावट नोटांचे मोठे रॅकेट उघड केले आहे. कारवाईत टेंभुर्णी येथून सुमारे ६६ लाख रुपयांच्या बनावट नोटा व पाच लाखांचे साहित्य जप्त करण्यात आले आहे. याप्रकरणी तिघांना अटक केली आहे. बनावट नोटा छापणारे आरोपी हे सराईत गुन्हेगार असून त्यांनी पाचशे व दोनशेच्या ६६ लाख रुपयांच्या हुबेहुब बनावट नोटा छापल्या होत्या. दरम्यान, या नोटा चलनात आल्या की नाही, याचा तपास पोलिस करत आहेत.