जाऊबाई जोरात: आमदार मोनिका राजळेंची जावेसाठी रणनीती; सासूबाई पराभूत!

पाथर्डी (अहमदनगर) : कासारपिपंळगाव ग्रामपंचायतीमध्ये आमदार मोनिका राजळे यांच्या जाऊबाई सरंपच मोनाली राजळे यांनी बाजी मारली आहे. विरोधी अर्जुन राजळे यांच्या गटाला दारुन पराभव स्विकारावा लागला. राजळे गटाने ११ जागा जिकूंन पंचायतीची सत्ता कायम राखली आहे. मोनाली राजळे यांच्या नेतृत्वाचा कस लागला होता, त्यांनी विश्वास मिळविला आहे.

अहमदनगरच्या बातम्यांसाठी येथे क्लिक करा 

कासारपिपंळगाव ग्रामपंचायतीमध्ये आमदार राजळे यांच्या नेतृत्वाखालील आदिनाथ पँनल हा सत्ताधारी होता. मोनाली राजळे सरपंच तर राहुल राजळे उपसरपंच होते. राहुल राजळे जिल्हा परिषद सदस्य झाले तेव्हा त्यांनी उपसरपंच पदाचा राजीनामा दिला होता. तेव्हापासून ते पदही रिक्तच ठेवलेले होते. 

हे ही वाचा : सोनई ग्रामपंचातीमधील सदस्यांची अशीही दर्यादिली

निवडणुकीत मोनाली राजळे यांनी प्रचाराची धुरा समर्थपणे सांभाळली. विरोधी गटाकडून अर्जुन राजळे व त्यांच्या सहका-यांनी आव्हान सत्ताधारी गटासमोर उभे केले होते. मोनाली राजळे यांच्या नव्या नेतृत्वाची झळाली यामुळे दिसली आहे. राजळे घरातच सत्ता संघर्ष पेटला आहे. शिवशंकर राजळे व राहुल राजळे जिल्हा परीषदेत उभे असताना गावाने मात्र शिवशंकर राजळे यांच्या बाजुने त्यावेळी दिलेला कौल ग्रामपंचायत निवडणुकीत मिळाला नाही. सत्ताधा-यांना विरोधी गटाने मात्र चांगलेच जेरीस आणले. राजळे कुटुंबातील लहान-थोर माणसाला प्रचारात सहभागी व्हावे लागले व लोकांच्यामध्ये जावे लागले अशी पहिलीच वेळ असल्याचे ग्रामस्थ सांगतात. 

जनतेला दिलेला कौल मान्य आहे. आम्ही लोकांच्या समोर गेलो. भूमिका सांगितली मात्र कारखान्यात पोट भरणारे अनेकजण गावात आहेत. हुकुमशाही पद्धतीने दबावाचे राजकारण केले गेले. लोकशाहीत पराभव झाला आहे. मात्र लोकांच्या मनातील खदखद व्यक्त करणा-यासाठी गावाला व्यासपीठ निर्माण झाले हे महत्वाचे आहे. 
- अर्जुन राजळे, अध्यक्ष आदिनाथ नागरी पतसंस्था, कासारपिपंळगाव,ता.पाथर्डी. 

जनेतेने आमच्यावर पुन्हा विश्वास टाकला आहे. विकासाच्या मुद्यावर आम्ही ही निवडणूक लढविली. लोकांच्या मनात काहीतरी भरु देणा-यांना जनतेने मतदानातून दाखवून दिले आहे. लोकशाहीत मतदार राजा असतो त्यांनी दिलेल्या दानाचे मोल करु. 
- मोनाली राजळे, सरपंच, कासारपिपंळगाव. ता.पाथर्डी.