इंटरनेट बॅंकिंगसाठी निर्बंध शिथील करावेत

कोल्हार (अहमदनगर) : राष्ट्रीयकृत व खासगी बॅंकांबरोबर स्पर्धा करताना सहकारी व नागरी बॅंकांना कसरत करावी लागते. या पार्श्वभूमीवर इंटरनेट बॅंकिंग सुविधा मिळण्यासाठी रिझर्व्ह बॅंकेने नागरी सहकारी बॅंकांवर घातलेले निर्बंध व अटी शिथील कराव्यात, अशी मागणी आमदार राधाकृष्ण विखेपाटील यांनी केली. खासदार सुजय विखे यांनी यासाठी पंतप्रधानांकडे शिष्टमंडळामार्फत प्रयत्न करावेत, असेही ते म्हणाले. 

नियमांचे उल्लंघन करणाऱ्या चार आस्थापना 'सील'

प्रवरा सहकारी बॅंकेची 46वी वार्षिक सभा व्हिडिओ कॉन्फरन्सिंगद्वारे झाली. त्यावेळी विखे पाटील बोलत होते. बॅंकेचे अध्यक्ष बाळासाहेब भवर, माजी मंत्री अण्णासाहेब म्हस्के, खासदार डॉ. सुजय विखे पाटील, बॅंकेचे उपाध्यक्ष अशोक आसावा, नंदकिशोर राठी, विश्वास कडू, बापूसाहेब आहेर, कैलास तांबे, ऍड. उदय खर्डे, गीताराम तांबे, गीता थेटे, डॉ. सौरभ बालोटे, एन. एस. डोईफोडे, डी. जी. उदावंत, ए. एन. माघाडे आदी उपस्थित होते. 

'वॉटर बॅंके'साठी जुन्या वाड्यांचे दगड काढून पिचिंगसाठी देण्याचा निर्णय

विखे पाटील म्हणाले, प्रवरा बॅंकेने अनेक चढ-उतार पाहिले. मात्र, बॅंकेच्या प्रगतीचा आलेख उंचावत चालला आहे. बॅंकेने ठेवीदारांचा विश्वास संपादन केला. एक हजार कोटींच्या व्यवसायाचा टप्पा पूर्ण केला. लवकरच एक हजार कोटी ठेवींचा टप्पा पूर्ण करावा. चांगले कर्जदार शोधावेत, थकीत कर्जवसुलीसाठी प्रयत्न करावेत.'
 
अण्णासाहेब म्हस्के यांनी मनोगत व्यक्‍त केले. सर्व ठराव मंजूर झाले. बाळासाहेब भवर यांनी अहवालवाचन व डॉ. सौरभ बालोटे यांनी इतिवृत्ताचे वाचन केले. सूत्रसंचालन बाळासाहेब सानप यांनी केले. अशोक आसावा यांनी आभार मानले.