महापालिकेची पुन्हा चूल पेटली !

नगर : कडक लॉकडाउनच्या काळात महापालिका कर्मचाऱ्यांनी एकत्र येऊन, लोकसहभागातून शहरात "कम्युनिटी किचन' संकल्पना राबविली. लॉकडाउन शिथिल झाल्यानंतर "कम्युनिटी किचन' बंद करण्यात आले; मात्र आता शहरात कंटेन्मेंट झोन वाढू लागल्याने महापालिका कर्मचाऱ्यांनी लोकसहभागातून पुन्हा "कम्युनिटी किचन' सुरू केल्याची माहिती महापालिकेचे यंत्र अभियंता परिमल निकम यांनी दिली. 

हेही वाचा ः शेतकऱ्यांना इतक्‍या लाखांपर्यंत पीककर्जाला व्याज शून्य 

सिद्धार्थनगर, तोफखाना, नालेगाव, दिल्ली गेट, अडते बाजार, पद्मानगर परिसरात कोरोनाबाधित रुग्ण आढळून आल्याने प्रशासनाने हे भाग कंटेन्मेंट झोन जाहीर केले आहेत. येथील नागरिकांचे हातावर पोट आहे. त्यामुळे कंटेन्मेंट झोनमधील गरजूंसाठी महापालिका कर्मचाऱ्यांनी लोकसहभागातून "कम्युनिटी किचन' सुरू करण्याचा निर्णय घेतला. त्यानुसार कालपासून (बुधवार) संजोग हॉटेलमध्ये हे "कम्युनिटी किचन' सुरू करण्यात आले. 

अवश्‍य वाचा ः अमानुष ः कृष्णावंतीच्या डोहात होत्या दोन गोण्या...त्या होते तरुणाचे नऊ तुकडे 

संजोग हॉटेलचे संचालक प्रदीप पंजाबी यांनी त्यासाठी हॉटेल मोफत उपलब्ध करून दिले. "कम्युनिटी किचन'मधून रोज दुपारी बारा वाजता महापालिकेचे पथक गरजूंसाठी जेवणाची पाकिटे घेते आणि शहरातील कंटेन्मेंट झोनमधील गरजूंना त्यांचे वाटप मोफत केले जाते.