-सतीश वैजापूरकर
शिर्डी : दख्खनच्या पठाराच्या भुगर्भात लपलेला, मोहक आकाराचा आणि विविध रंगाची उधळण करणारा स्वर्ग जमिनीवर आणण्याचे श्रेय साईसंस्थानचे नाशिक येथील माजी विश्वस्त के. सी. पांडे यांना जाते. काही दिवसांपूर्वी संगमनेर तालुक्यातील साकूर येथे सापडलेली आणि त्यापूर्वी शिर्डी परिसरात सापडलेली वैशिष्ट्यपूर्ण गारगोटी त्यांच्या सिन्नर येथील गारगोटी संग्रहालयात ठेवण्यात आल्या आहेत. हे देशातील एकमेव आणि वैशिष्ट्यपूर्ण गारगोटी संग्रहालय आहे. पांडे यांच्या निरीक्षणानुसार अहिल्यानगर जिल्ह्यातील भुगर्भात गारगोट्यांचा सुंदर आणि मोहक खजिना आहे.