पोलिसांना महादेव पावला... हातून पळालेला आरोपी मंदिरात घावला

पारनेर ः अल्पवयीन मुलीस पळवून नेल्याच्या व बाल लैंगीक अत्याचाराच्या गंभीर गुन्ह्यातील पोलीस कोठडीतील पळून गेला.  आरोपी प्रवीण पोपट गायकवाड यास आज गुरूवारी (ता. 14 ) पहाटे पाच वाजणेच्या सुमारास वडनेर हवेली येथे डोंगरावरील महादेवाच्या मंदीरातून ताब्यात घेतले.

प्रविण याने वडझिरे येथील अल्पवयीन मुलीस चार मे रोजी पळवून नेले होते. त्या मुलीच्या वडीलांनी अज्ञात आरोपीच्या विरोधात पाच मे रोजी  पारनेर पोलीस ठाण्यात फिर्याद दिली होती. त्या नंतर पोलीसांनी त्यास शनिवारी अटक केली. त्यास सात दिवसांची पोलीस कोठडीही न्यायालयाने सुनावली आहे.

हेही वाचा - मुख्यमंत्री ठाकरे यांची नगरमध्ये गुंतवणूक 

आरोपीस त्रास होत असल्याने पोलीस उपनिरीक्षक विजयकुमार बोत्रे व त्यांचे सहकारी यांनी ग्रामिण रूग्णालयात तपासणीसाठी नेले असताना प्रविण याने पोलीसांच्या हाताला झटका देऊन पळून गेला होता. अंधाराचा फायदा घेत तो पसार झाला होता. 

हेही वाचा - पंकजांचा अभ्यास झाला..शिंदे सरांना जमेना

आरोपी पळाल्याने पोलिसांनी सापळा लावला. गुप्त माहितीनुसार पोलीसांनी त्यास पकडले. आरोपी प्रवीण याने आपल्या मित्राला मला नेण्यासाठी एक दुचाकी पाठवा व भूक लागली आहे काहीतरी खाण्यास पाठवा, असे सांगितले होते. मित्राने त्यास घरात शिल्लक असलेल्या पु-या व झोपण्यासाठी गोधडीही दिली. मात्र, ही माहिती लिक झाल्याने आरोपी आयता पोलिसांच्या जाळ्यात अडकला. या कारवाईत पोलीस उप निरीक्षक बोत्रे यांच्या सह हवलदार भालचंद्र दिवटे,रोकडे आदींचा समावेश होता.
रात्री थोडा पाऊस येत असल्याने दुचाकी आली. मात्र पावसामुळे तो मंदिरातच थांबला व तेथेच झोपी गेला, त्यामुळे तो पोलिसांच्या हाती सापडला.

आरोपी सापडल्याने पोलिसांनी टाकला सुटके निश्वास

जिल्हा पोलीस अधीक्षकांनी आज सायंकाळपर्यंत पोलीसांना त्यास शोधून काढा अन्यथा कारवाईस सामोरा जा असा सज्जड दम भरला होता. मात्र, पोलिसांचे दैव बलवत्तर आरोपी आज पहाटेच सापडला. पोलीस खात्याची बदनामी व त्यांच्यावरील वरील पुढील कारवाईसुद्धा टळली.