अहमदनगर : जिल्ह्यातील तिघांना पोलिस निरीक्षकपदी पदोन्नती

अहमदनगर : जिल्हा पोलिस दलात कार्यरत असलेल्या तीन सहाय्यक पोलिस निरीक्षकांना पोलिस निरीक्षकपदी पदोन्नती देण्यात आली आहे. राज्याचे अतिरिक्‍त पोलिस महासंचालक संजीवकुमार सिंघल यांनी याबाबतचा आदेश काढला आहे. (Police inspector promotion)

जिल्हा विशेष शाखेत कार्यरत असलेले सहाय्यक पोलिस निरीक्षक दिलीप कचरू शिरसाठ यांना पोलिस निरीक्षकपदी पदोन्नती मिळाली आहे. धुळे येथील पोलिस प्रशिक्षण केंद्रात त्यांना पदोन्नती देण्यात आली आहे. सहाय्यक पोलिस निरीक्षक सुरेश पंडीत माने आणि दिलीप प्रल्हादराव तेजनकर यांची पदोन्नतीवर मुंबई शहरात पोलिस निरीक्षकपदी पदोन्नती झाली आहे. नाशिक ग्रामीणमध्ये कार्यरत असलेले मोरेश्‍वर लक्ष्मण पेंदाम यांची अहमदनगर जिल्ह्यात पोलिस निरीक्षकपदी बदली झाली आहे.