कोविड सेंटरमधील रूग्णांना कोल्हे परिवाराचे पुरणपोळीचे जेवण

कोपरगाव ः येथील कोविड सेंटरमधील रुग्णांना गुढीपाडव्यानिमित्त औद्योगिक वसाहतीचे अध्यक्ष विवेक कोल्हे यांच्या हस्ते पुरणपोळीचे जेवण देण्यात आले, तसेच ऑक्‍सिजन सिलिंडर व ऑक्‍सिकॉन्स्ट्रेटर व 300 रुग्णांना पुरेल एवढ्या औषधांचा पुरवठा संजीवनी उद्योगसमूहाच्या वतीने करण्यात आला. 

कोल्हे म्हणाले, ""भाजपच्या प्रदेश सचिव स्नेहलता कोल्हे यांनी सर्वत्र गुढीपाडवा साजरा होत असताना, कोविड सेंटरमधील रुग्ण त्यापासून वंचित राहू नयेत, अशा सूचना दिल्या. त्यानुसार कोविड सेंटरला भेट देत रुग्णांना पुरणपोळीचे जेवण देत त्यांचा आनंद द्विगुणित केला. '' 

यावेळी भाजपचे शहराध्यक्ष दत्ता काले, उपनगराध्यक्ष स्वप्नील निखाडे, विजय वाजे, कैलास जाधव उपस्थित होते. 
कोल्हे यांनी कोविड सेंटरमधील डॉक्‍टर व कर्मचाऱ्यांशी चर्चा केली. ऑक्‍सिजनच्या कमतरतेमुळे रुग्ण दगावल्याचे त्यांच्या निदर्शनास आले. त्यानंतर त्यांनी संजीवनी उद्योगसमूहाच्या वतीने तत्काळ ऑक्‍सिजन सिलिंडर व एक ऑक्‍सिकॉन्स्ट्रेटर आणि 300 रुग्णांना पुरेल एवढा औषधांचा पुरवठा केला.