अकोले : निसर्गसौंदर्य लाभलेल्या अकोले तालुक्यातील प्रवरा नदीवरील ‘रंधा फॉल’चे सौंदर्य आता अधिकच बहरणार आहे. हा धबधबा अधिक जवळून आणि सुरक्षित पाहता यावा, यासाठी धबधब्यावर लवकरच काचेचा पूल साकारला जाणार आहे. यासंदर्भात सार्वजनिक बांधकाम विभागाकडून या कामाची निविदा आणि संकल्पचित्र प्रसिद्ध करण्यात आले आहे. या कामास अंदाजे ४ कोटी ३१ लाख ९३ हजार ६१३ रुपये खर्च येणार असून, हे काम २४ महिन्यांत पूर्ण केले जाणार आहे.