Samruddhi Mahamarg Accident
Samruddhi Mahamarg Accidentsakal

Samruddhi Mahamarg Accident : समृद्धी महामार्गावर पुन्हा अपघात; आई-वडिलांसह मुलगा जागीच ठार

नांदेडहून मुंबईकडे जाणारी कार रस्त्याच्या दुभाजकाला धडकून भीषण अपघात

कोपरगाव : समृद्धी महामार्गावर अपघातांची मालिका सुरूच आहे. नांदेडहून मुंबईकडे जाणारी कार रस्त्याच्या दुभाजकाला धडकून झालेल्या भीषण अपघातात आई-वडिलांसह मुलगा जागीच ठार झाला आहे.

अपघात इतका भयानक होता की, कारचा पुढील भागाचा चक्काचूर झाला. हा अपघात धोत्रे गावाजवळ आज (रविवारी) सकाळी साडेअकरा वाजेच्या सुमारास घडला. मोहम्मद जावीद अख्तर मोहम्मद सलिमोद्दीन (वय ५५), अरकुमुद्दीन जावीद अख्तर (वय २२), शामीमबेगम मोहम्मद जावीद अख्तर (वय ३६, सर्व रा. नांदेड) अशी मृतांची नावे आहेत.

Samruddhi Mahamarg Accident
Samruddhi Mahamarg Accident: 'अम्मी जा रही हू' जोयाचे शब्द ठरले शेवटचे

सदर कुटुंब मूळ नांदेडचे असून, व्यवसायानिमित्त ते मुंब्रा येथे वास्तव्यास आहे. बकरी ईद साजरी करण्यासाठी ते नांदेडला आले होते. परतीच्या प्रवासादरम्यान हा अपघात घडला. भरधाव कारवरील (एमएच- ०४ जेव्ही २४३०) नियंत्रण सुटल्यानं हा अपघात झाल्याची प्राथमिक माहिती समोर येत आहे.

Samruddhi Mahamarg Accident
Samruddhi Mahamarg Accident: समृद्धी महामार्गावर सुविधांचा अभाव! दोनशे किमीमध्ये नाही अग्निशमन केंद्र; वाहन जळाल्यास प्रवाशांचा मृत्यू अटळ

अपघातानंतर पोलिसांनी घटनास्थळी धाव घेतली. क्रेनच्या साह्याने मृतदेह कारमधून काढण्यात आले. त्यानंतर ते उत्तरीय तपासणीसाठी ग्रामीण रुग्णालयात पाठविण्यात आले.

तालुक्यातील कोकमठाण येथे गेल्या तीन दिवसांपूर्वी टेम्पोला कारने मागून धडक देऊन पती-पत्नीसह एक लहान मुलगी ठार झाल्याची घटना ताजी असतानाचा हा दुसरा अपघात घडला आहे. त्यामुळे समृद्धी महामार्गावरील अपघातांचा प्रश्‍न ऐरणीवर आला आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com