संत निळोबाराय यात्रौत्सव स्थगित, अकरा दिंड्यांनाच प्रवेश

राळेगण सिद्धी : ""राज्यात कोरोनाचा प्रादुर्भाव वाढत असल्याने संत निळोबाराय यांचा यात्रोत्सव स्थगित करण्यात आला आहे. 15 मार्चला मानाच्या 11 दिंड्याना मंदिरात प्रवेश देण्यात येणार आहे. 16 मार्च रोजी जिल्हाधिकाऱ्यांच्या हस्ते सपत्नीक समाधीची पूजा होईल.

दुपारी 12 वाजता पांडुरंग महाराज घुले यांच्या काल्याच्या कीर्तनाने यात्रोत्सवाचा समारोप होईल,'' अशी माहिती संत निळोबाराय देवस्थानचे कार्याध्यक्ष अशोक सावंत यांनी दिली. 

संत निळोबाराय यांच्या पालखी सोहळ्याच्या नियोजनासाठी प्रांताधिकारी सुधाकर भोसल, तहसीलदार ज्योती देवरे, सरपंच सुभाष गाजरे यांच्यासह देवस्थानच्‌ पदाधिकारी व ग्रामस्थांच्या 
उपस्थितीत पिंपळनेर येथे बैठक पार पडली. 

""यात्रोत्सव स्थगित झाला असला, तरी मोजक्‍याच भाविकांच्या उपस्थितीत शासनाचे सर्व निर्देश पाळून निळोबाराय गाथा पारायण, हरिपाठ, काकडा आरती व कीर्तने होतील. 14 मार्च रोजी संत तुकाराम महाराज संस्थांनच्या वतीने निळोबारायांच्या समाधीची महापूजा होईल. राज्यातील प्रमुख 11 दिंड्यांना संत निळोबाराय सोहळ्यात सहभागी होता येईल,'' असे सावंत यांनी सांगितले. अहमदनगर