अहमदनगर : मराठ्यांच्या अन्नात माती कालवली | Sakal
sakal

बोलून बातमी शोधा

Maratha Community
अहमदनगर : मराठ्यांच्या अन्नात माती कालवली

अहमदनगर : मराठ्यांच्या अन्नात माती कालवली

अहमदनगर : ओबीसी आरक्षणाबाबत (OBC reservation)निर्णय होईपर्यंत निवडणुका घेऊ नका, असे सगळे म्हणतात. आम्ही समर्थन दिले. ओबीसीचे फक्त राजकीय आरक्षण गेले, आमचे मराठा समाजाचे तर सगळेच आरक्षण रद्द झाले. काही विघ्नसंतोषी लोकांमुळे गरिब मराठा(Maratha) तरुणांच्या अन्नात माती कालवण्याचे काम केले आहे, असा आरोप शिवसंग्राम संघटनेचे संस्थापक अध्यक्ष आमदार विनायक मेटे यांनी केला.

हेही वाचा: अखेर लसीकरण प्रमाणपत्रावरुन हटवला जाणार PM मोदींचा फोटो

शिवसंग्राम संघटनेच्या कार्यकर्त्यांच्या बैठकीनंतर आमदार विनायक मेटे यांनी पत्रकारांशी संवाद साधला. शिवसंग्रामचे अहमदनगर जिल्हाध्यक्ष सुरेश शेटे, श्याम ढोकणे, नवनाथ इसरवाडे, अशोक मगर, पांडुरंग पवार, नंदकुमार गोसावी, सुनील फाटके आदी उपस्थित होते. मेटे म्हणाले, मराठा समाजाला आरक्षण मिळावे, यासाठी सर्वप्रथम आम्ही आवाज उठवला, छत्रपती शिवाजी महाराजांचे अरबी समुद्रात आंतराष्ट्रीय दर्जाचे स्‍मारक व्हावे यासाठी आम्ही पाठपुरावा केला. मुस्लिम समाजाला आरक्षण मिळावे म्हणून सर्वप्रथम औरंगाबादेत २००७ साली परिषद घेतली.

हेही वाचा: खाकी वर्दीवर रक्ताचा डाग; मद्यधुंद अवस्थेत डिलिव्हरी बॉयला उडवलं

आता ओबीसी समाजाचे राजकीय आरक्षण रद्द झाल्याने या आरक्षणावर निर्णय होईपर्यत निवडणुका घेऊ नयेत, असा विधीमंडळात ठराव झाला. आमचे त्याला समर्थन आहे. मात्र, तो ठराव कायद्याला धरुन आहे का? याबाबत अम्ही विचारले असता सरकार बोलत नाही. ओबीसी आरक्षण रद्द व्हायला ओबीसी मंत्री कारणीभूत आहेत. छत्रपती शिवाजी महाराज स्मारकाचे कामही सरकारच्या दुर्लक्षामुळेच बंद आहे.मेटे म्हणाले की, राज्यात शेतकरी, शेतमजूर, कामगार वाऱ्यावर सोडल्यासारखी स्थिती आहे. कोण काय बोलतोय याचा ताळमेळ नाही. त्यामुळे अधिकारी फायदा घेत आहेत. चुकीचे निर्णय घेतले जात आहेत. त्याचा मात्र महाराष्ट्रातील सामान्य लोकांना त्रास सोसावा लागत आहे.

मंत्र्यांच्याच जिल्ह्यात गैरव्यवहार

कृषीमंत्र्याच्या जिल्ह्यात कृषी विभागात, वीजमंत्री, वीज राज्यमंत्र्याच्या जिल्ह्यात वीज विभागात गैरव्यवहार होत आहेत. कोरोनाच्या नावाखाली शेतकरी, सामान्य माणसाला वेठीस धरण्याचे काम केले जात आहे, असे ते म्हणाले.(Ahmednagar news)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top