Vijay at Shirdi: Devotion Meets Stardom in Crowd-Filled Visit
sakal
शिर्डी: तमिळनाडूच्या विधानसभा निवडणुकीतील एक महत्त्वाचा फॅक्टर म्हणून चर्चेत असलेला सिनेअभिनेता विजय थालापती याने आज साईचरणी आपला माथा टेकविला. काहीवेळ ध्यानधारणा करीत साईंची करूणा भाकली. मोठ्या संख्येने जमलेल्या चाहत्यांना अभिवादन केले. स्वागतासाठी त्याचा मोटारीसमोर आडवे झोपलेल्या एका चाहत्याची अपेक्षा त्याने पूर्ण केली. त्याने सपत्नीक दिलेला पुष्पगुच्छ स्वीकारला अन् सोबतच्या चिमुरडीची विचारपूस देखील केली. चाहत्यांच्या मोठ्या गर्दीमुळे त्याची भेट संस्मरणीय ठरली.
