Rahuri Accident: धक्कादायक! 'रोटावेटरमध्ये अडकून तरुण शेतकऱ्याचा मृत्यू'; त्र्यंबकपूर शेतात रोटा मारताना काय घडलं?

राहुरी : त्र्यंबकपूर (ता. राहुरी) येथे आज (ता.२४) सकाळी शेतात रोटा मारत असताना रोटावेटर मशिनमध्ये अडकून एका २५ वर्षीय तरुण शेतकऱ्याचा जागीच मृत्यू झाला. राहुल आदिनाथ हरिश्चंद्रे (वय २५) असे मृताचे नाव आहे. तो आज सकाळी शेतात रोटा (ओटा) मारत असताना अचानक फिरत्या रोटावेटर मशिनमध्ये अडकला. त्यात गंभीर जखमी होऊन त्याचा जागीच मृत्यू झाला. मृतदेह राहुरी ग्रामीण रुग्णालयात उत्तरीय तपासणीसाठी हलविण्यात आला. यावेळी सरपंच विलास कोळसे, पोलिस पाटील संदीप कोळसे, संदीप मुसमाडे, रावसाहेब मुसमाडे, नितीन मुसमाडे, हृषीकेश मुसमाडे, अशोक हरिश्चंद्रे यांनी मदतकार्य केले.