अखेर ऊस तोडणी कामगारांचा संसार वाचला, ऊसाच्या आगीत सत्तर झोपड्यातील संसार वाचविण्यात यश

सोनई (अहमदनगर) : मुळा कारखाना गट परिसरात दोन एकर ऊसाला आग लागली आणि जवळच राहत असलेल्या ऊसतोडणी कामगारांनी मोठा टाहो फोडला. ऊस जळून खाक झाला असला तरी सत्तर झोपड्यातील संसार वाचविण्यात यश आले आहे. 

पथदिव्यांचे होणार प्रात्यक्षिक; आयुक्‍तांची मान्यता मिळताच एलईडीचा प्रस्ताव 'स्थायी'त

मुळागट ते कुसळकर वस्ती रस्त्यावर असलेल्या गट नंबर ८०१ जवळील गोरक्षनाथ दामू येळवंडे यांच्या ऊसाला बुधवारी दुपारी बारा वाजता आग लागली. जवळच वस्ती व ऊसतोडणी कामगारांच्या सत्तरहून अधिक झोपड्या होत्या. ग्रामपंचायत सदस्य मच्छिंद्र कुसळकर, जालिंदर दरंदले, नागेश गर्जे, मच्छिंद्र दरंदले, रामदास दरंदले सह मुळा कारखान्याच्या अग्निशमन दलाच्या प्रयत्नानंतर झोपड्या वाचविण्यात यश आले आहे. 

जिल्ह्यात 35 ग्रामपंचायतींच्या सरपंचपदांसाठी गुरुवारी सोडती 

ऊसाच्या शेताला उत्तर दिशेने आग लागली होती. काही क्षणात आगीने रौद्र रूप धारण केले. वस्ती करुन राहणारे शेतकरी व ऊसतोडणी कामगारांचा मोठा टाहो सुरु झाला. सुरक्षाधिकारी प्रविण चौधरी, कर्मचारी देवदत्त कावले, पांडुरंग भाकड व अग्निशमन बंबाचे चालक आण्णासाहेब शेरे यांच्या प्रयत्नांमुळे जीवितहानी व अनेकांचा संसार वाचला आहे. तेथील ग्रामस्थांचे व सुरक्षा विभागाचे कौतुक होत आहे.