पारनेर (अहमदनगर) : माझी वसुंधरा अभियानाअंतर्गत पारनेर नगरपंचायतीच्यावतीने विना इंधन वाहन प्रोत्साहन देण्यासाठी शहरातून सायकल रॅली काढण्यात आली. या रॅलीचे आयोजन नगरपंचायतीच्या मुख्याधिकारी डॉ. सुनिता कुमावत यांनी केले होते. रॅलीत न्यू आर्टस कॉमर्स कॉलेजचे शिक्षक, मुले व मुली तसेच नगरपंचायतचे कर्मचारी सहभागी झाले होते. रॅलीचा समारोप हरीत वसुंधरेची शपथ घेऊन करण्यात आला.
विना इंधन वाहन प्रोत्साहन देण्यासाठी तसेच हरीत वसुंधरेसाठी बुधवारी सकाळी मुख्याधिकारी डॉ.कुमावत यांच्या संकल्पनेतून ही रॅली काढण्यात आली. ही रॅली नगरपंचायत कार्यालयापासून सुरू करण्यात आली. मिलन चौक, पारनेर पोलिस ठाणे, तहसील कार्यालय, पानोली चौक, नवीपेठ मार्गे पुन्हा नगरपंचायत कार्यालयासमोर समारोप करण्यात आला. समारोपप्रसंगी सहभागींना हरित वसुंधरा नि्र्मितीची शपथ देण्यात आली.
या रॅलीत मुख्याधिकारी डॉ.कुमावत यांच्या सह शहर अभियंते सुनिल गांगुर्डे व सचिन राजभोज, विजय मुरूमकर, राजश्री घोडके, सुप्रिया गायकवाड, महाविद्यालयाचे प्राध्यापक भारत डगळे व कॉलेजचे एनसीसीची मुले व परिसरातील शाळांमधील छोट्या मुला मुलींनी सुद्धा या रॅलीत स्वयंस्पुर्तीने सहभाग घेतला. या रॅलीचे सर्वत्र कौतुक होत आहे.
संपादन - सुस्मिता वडतिले
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.