तुंबळ हाणामारीत युवकाचा खून; भाऊबंदकीचा वाद शिगेला पोहोचला, तीन जण गंभीर, अहिल्यानगर जिल्ह्यातील थरारक घटना..

सोनई : कांगोणी रस्त्यावर असलेल्या वडघुले वस्तीवर जुन्या घराच्या शेडजवळ भाऊबंदकीचा वाद शिगेला पोहोचला आणि झालेल्या तुंबळ हाणामारीत अनेक गुन्ह्यांची पार्श्वभूमी असलेल्या ३६ वर्षीय युवकाचा खून झाला आहे. त्यास मारहाण करणारे तिघे जण सुद्धा गंभीर जखमी झाले. सोनई पोलिसांनी तीन जखमी आरोपीसह एका महिलेस अटक केली आहे.