Akola : भाजप हा एकमेव पक्ष देशाला तारणारा

पातूर : भाजप हा एकमेव पक्ष देशाला तारणारा असून, देश व देशाचा कारभार पाहण्यासाठी सक्षम आहे. याशिवाय कोणताही पक्ष देशाचे नेतृत्व करण्यास सक्षम नाही, त्यामुळे भाजप हा एकमेव पर्याय समजावा, असे प्रतिपादन अकोला पूर्वचे आमदार, भाजप जिल्हाध्यक्ष रणधीर सावरक यांनी आपल्या अध्यक्षीय भाषणात केले. ते ता. २१ ऑक्टोबर रोजी स्थानिक सावित्रीबाई फुले विद्यालयाच्या प्रांगणात आयोजित कार्यक्रमात बोलत होते.

पातूर येथील सावित्रीबाई फुले शिक्षण प्रसारक मंडळचे अध्यक्ष, तसेच जैविक महासंघाचे जिल्हा सचिव व माजी नगरसेवक सचिन ढोणे यांच्यासह अनेक नागरिकांनी आमदार सावरकर यांच्या नेतृत्वावर विश्‍वास ठेऊन भाजपमध्ये प्रवेश केला. कार्यक्रमाला माजी आमदार बळीराम सिरस्कार, मनपा माजी सभापती जयंतराव मसने, जिल्हा उपाध्यक्ष शंकरराव वाकोडे, महादेवराव मानकर, तालुका अध्यक्ष रमण जैन, जिल्हा उपाध्यक्ष विजयसिंह गहिलोत, तालुका सरचिटणीस राजू उगले, कपिल खरप, जिल्हा सचिव प्रेमानंद श्रीरामे, जिल्हा सचिव चंद्रकांत अंधारे, भिकाजी धोत्रे, शहराध्यक्ष अभिजीत गहिलोत यांच्या प्रमुख उपस्थितीत होते.

वसुबारसनिमित्ताने मान्यवरांच्या हस्ते गाय व वासराचे पूजन करून ‘सकाळ’च्या अभियानात सहभागी झाले.यावेळी सचिन ढोणे यांनी आ.सावरकर यांचा शाल-श्रीफळ देऊन सत्कार केला. ढोणेंसह प्रशांत म्हैसणे, निखील नीलखण, सुनील पाटील, विशाल कुटे, प्रभुदास बोंबटकर, नवीन करंगळे, पुरुषोत्तम भगत, संजय आवटे, महिंद्र ढोणे, दादाराव ढोणे, नवीन पेंढारकर, अक्षय बगळेकर, धीरज बोळे, प्रीया कोथळकर, कल्पना म्हैसणे, संतोष बगळेकर, सचिन तायडे पक्षप्रवेश केला.

यावेळी समाजसेवक विजय काळपांडे, गुलाबराव गाडगे, राजाराम देवकर, डॉ.सुनील आवटे, विनेश चव्हाण, मंगेश केकान, ज्ञानेश्वर जाधव, संजय उजाळे, रणजीत देशमुख, विठ्ठल लोथे, गोपाल गालट, अंकुश राठोड, गोपाल चतरकर, श्रीकांत बराटे, गजानन गुजर, बाळू गोतरकार, विष्णू शेलारकर, दिलीप बगाडे, गिरी गुरुजी यांच्यासह शेकडो कार्यकर्ते उपस्थित होते.

यावेळी मान्यवरांच्या हस्ते येथील खडकेश्वर गणेश उत्सव मंडळाने महाराष्ट्र शासनाने आयोजित केलेल्या उत्कृष्ट सार्वजनिक गणेश उत्सव पुरस्कारात राज्यातून प्रथम क्रमांक मिळवल्याबद्दल कार्यकर्त्यांचे व वरिष्ठ मंडळींचे स्वागत केले. सूत्रसंचालन प्रल्हादराव निळकंठ यांनी केले, तर आभार सुनील राखोंडे यांनी मानले.