Akola : कबड्डी स्पर्धेत पुरुषांत जळगाव, महिलांमध्ये ठाणे अजिंक्य

अकोला : श्री हनुमान क्रीडा प्रसारक व‎बहुउद्देशीय मंडळ केळीवेळी यांच्या‎वतीने आयोजित राष्ट्रीय कबड्डी स्पर्धेत जळगाव संघाने पुरुष गटात तर ठाणे संघाने महिला गटात अजिंक्यपद मिळविले. रविवारी (ता.१७) रात्री झालेल्या ‎अंतिम सामन्यांच्या पराभूत झाल्याने ठाणे मनपा संघाला पुरुष गटात तर महिला गटात ‎एस. एस. दिल्ली संघाला उपविजेता‎पदावर समाधान मानावे लागले.या स्पर्धेतील पुरस्कार वितरण सोहळ्याला महाभारत फ्रेम बलरामची भूमिका साकारणाले शरद साळुंके यांची उपस्थित होती.

विदर्भात कबड्डीसाठी प्रसिद्ध असलेल्या केळीवेळी येथे राष्ट्रीय स्पर्धेचे‎ आयोजन १४ ते १७ डिसेंबर‎ दरम्यान करण्या आले होते. माजी आमदार ‎गजाननराव दाळू गुरुजी, मंडळाचे ‎अध्यक्ष माधवराव बकाल यांच्या ‎मार्गदर्शनामध्ये आयोजित या स्पर्धेला देशभरातील संघांनी हजेरी लावली होती. केळीवेळी कबड्डी लिग या नावाने ‎या स्पर्धा आयोजित करण्यात आल्या‎ हाेत्या.

त्यामध्ये विविध क्षेत्रातील ‎मान्यवरांसह मराठी सिने क्षेत्रातील‎ अभिनेत्रींना निमंत्रित करण्यात आले होते. ‎रविवारी समारोपीय सामन्यासाठी ‎महाभारत मालिकेमध्ये‎ बलराम यांची भूमिका साकारणारे ‎शरद साळुंके, माजी आमदार प्रा.‎तुकाराम बिडकर व तेली समाजाचे‎ अध्यक्ष रामेश्वर वानखडे, राष्ट्रवादी ‎काँग्रेस पक्षाचे अनिल मालगे आदींची ‎उपस्थिती होती.‎ आयोजनामध्ये ‎संजय चौधरी, कमलेश गावंडे, अनिल‎ गासे, धनंजय मिश्रा, किशोर बुले,‎ बाळू आढे, मुंबई येथील आकाश ‎मसराम, सुराज कुटे, प्रशांत ‎भटकर, प्रा. पवन राठोड, आकाश ‎हेरोळे आदींची उपस्थित होती.‎