धक्कादायक! मतमोजणी सुरू असतानाच सख्ख्या चुलत भावाने केला चाकू हल्ला

सकाळ वृत्तसेेवा
Monday, 18 January 2021

अकोला जिल्ह्यातील 214 ग्रामपंचायतींच्या झालेल्या निवडणुकीची मतमोजणी आज सुरू आहे. त्यानुषंगाने प्रशासनामार्फत अकोला जिल्ह्यातील सातही तालुकास्तरावर मतमोजणीची सुरू करण्यात आली असून, 4 हजार 411 उमेदवारांच्या भवितव्याचा फैसला मतमोजणीत होणार आहे.

अकोला : अकोला जिल्ह्यातील 214 ग्रामपंचायतींच्या झालेल्या निवडणुकीची मतमोजणी आज सुरू आहे. त्यानुषंगाने प्रशासनामार्फत अकोला जिल्ह्यातील सातही तालुकास्तरावर मतमोजणीची सुरू करण्यात आली असून, 4 हजार 411 उमेदवारांच्या भवितव्याचा फैसला मतमोजणीत होणार आहे.

मात्र अशातच मतमोजणी केंद्राबाहेर एका व्यक्तीवर चाकू हल्ला झाल्याने खळबळ उडाली आहे.

हेही वाचा - Gram Panchayat Result : आमदार अमोल मिटकरी यांच्या गावात ग्रामस्वराज्य पॅनलचा उधळला गुलाल

या हल्ल्यात एक जण जखमी झाला असून त्याला उपचारासाठी शासकीय रुग्णालयात दाखल करण्यात आले आहे. तसंच आरोपीला पोलिसांनी अटक केली आहे. निवडणुकीचे निकाल जाहीर होत असतानाच अचानक हा हल्ला करण्यात आला. सुरेश पांडुरंग गोपणारायन असं आरोपीचं नाव असून दीपक गोपणारायन असं जखमी झालेल्या व्यक्तीचं नाव आहे. हे दोघेही नात्याने सख्ख्ये चुलत भाऊ असल्याची माहिती आहे.

हेही वाचा -  अकोला जिल्ह्यातील बातम्यांसाठी क्लिक करा

2010 मध्ये आपल्यावर चाकूहल्ला केल्याचा राग मनात ठेवून आरोपीने हा हल्ला केल्याचं सांगितलं जात आहे. घटनास्थळी पोलीस निरीक्षक डी. सी. खंडेराव यांच्या पथकाने आरोपाल ताब्यात घेतले असून त्याला कोतवाली पोलीस ठाण्यात आणण्यात आले आहे.

हेही वाचा - कोरोना लसीकरणानंतर दोन महिलांना आली रिॲक्शन!

दरम्यान, अकोला जिल्ह्यातील गावागावांत निवडणुका निवडणूक निकालाची उत्कंठा शिगेला पोहोचली आहे. मुदत संपलेल्या जिल्ह्यातील सातही तालुक्यांतील 224 ग्रामपंचायतींच्या निवडणुका घेण्यात आल्या. त्यामध्ये 10 ग्रामपंचायती बिनविरोध निघाल्याने अकोला जिल्ह्यातील 214 ग्रामपंचायतींच्या 1 हजार 741 जागांसाठी मतदान घेण्यात आले. ग्रामपंचायतींच्या निवडणुकांसाठी जिल्ह्यात सरासरी 74.17 टक्के मतदान झाले.

(संपादन - विवेक मेतकर)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Akola Marathi News- While the counting was going on, a number of cousins attacked him with a knife