मनपाच्या गुर्जींना चार महिन्यांपासून पगारच नाही हो!

अकोला  ः कोरोना संकटकाळात काम केल्यानंतरही महानगरपालिकेचे शिक्षक चार महिन्यांपासून वेतनाविना आहेत. जून ते सप्टेंबर २०२० या काळात वेतन रखडले असल्याने शिक्षकांची आर्थिक कोंडी झाली आहे.

जुलै २०२० पर्यंतचे शिक्षकांच्या वेतनासाठीचे ५० टक्के अनुदान शिक्षण उपसंचालक अमरावती विभाग यांच्याकडून महानगरपालिकेला प्राप्त झाले आहे. त्यानंतरही वेतन मिळाले नाही.

• हृदयद्रावक...रात्री सव्वा अकरा वाजता मायलेकींनी रेल्वे रुळावर झोपून संपविली जीवनयात्रा

याशिवाय २०११ ते २०१३ पर्यंतचे भविष्य निर्वाह निधीचे वेतनातून कपात करण्यात आलेली रक्कम ३.२५ कोटी व सहाव्या वेतन आयोगातील मनपाच्या ५० टक्के हिस्स्याची २.५५ कोटी असे दोन्ही मिळून ५ कोटी ५० लाख रुपये शिक्षकांच्या भविष्य निर्वाह निधी खात्यावर वळती करण्यात यावेत, या आशयाचे निवेदन ४० शिक्षकांच्या वतीने मनपा आयुक्तांना देण्यात आले.

• मन हेलावणारी घटना: पत्नीशी वाद झाल्याने चिरला तीन वर्षाच्या चिमुकल्याचा गळा अन् स्वत:ही केला आत्महत्येचा प्रयत्न

संघटनेचे अध्यक्ष मगफूर अहमद, कार्याध्यक्ष खान सरदार खान, सचिव मो. अनवर हुसेन यांच्या स्वाक्षरीने हे निवेदन देण्यात आले.