अकोला ः मध्य रेल्वेने प्रवाशांची होणारी गर्दी कमी करण्यासाठी मुंबई-नागपूर (साप्ताहिक) नागपूर-मुंबई सुपर फास्ट उत्सव विशेष गाडी वन वे फेरी चालवण्याचा निर्णय घेतला आहे. सदर गाड्यांना अकोला रेल्वे स्थानकावर थांबे देण्यात आल्यामुळे प्रवाशांना त्याचा लाभ होईल. गाडी क्रमांक-०२०५० अप नागपूर ते मुंबई उत्सव गाडी २७ डिसेंबर २०२० ते ३१ जानेवारी २०२१ पर्यंत दर रविवारी नागपूर येथून १६.३० वाजता प्रस्थान करेल आणि दुसऱ्या दिवशी मुंबई स्टेशनला ६.१५ वाजता पोहचेल. ही गाडी मूर्तिजापूर येथ २०.०३, अकोला येथे २०.३५, शेगाव येथे २१.१३ वाजता पोहचेल. या गाडीला द्वितीय वातानुकूलित, तृतीय वातानुकूलित, सात शयनयान, दोन द्वितीय आसन श्रेणीचे डब्बे जोडलेले असतील. नागपूर-मुंबई सुपर फास्ट उत्सव विशेष गाडी वन वे फेरी गाडी क्रमांक-०२०४८ अप नागपूर ते मुंबई उत्सव गाडी २४ डिसेंबर २०२० गुरुवार ला नागपूर हून १८ वाजता प्रस्थान करेल आणि दुसऱ्या दिवशी मुंबई स्टेशनला ०७.४५ वाजता पोहचेल. मूर्तिजापूर येथे ही बाडी २१.१९, अकोला येथे २१.५७, शेगाव येथे २२.२९ वाजता पोहचेल. सदर गाड्यांचे बुकींग सर्व संगणकीकृत आरक्षण केंद्रांवर आणि आयआरसीटीसीच्या संकेतस्थळावर २१ डिसेंबर पासून सुरू होईल. केवळ कन्फर्म तिकीट असलेल्या प्रवाशांनाच या विशेष गाड्यांमध्ये चढण्याची, प्रवास करण्याची परवानगी देण्यात आली आहे. प्रवाशांना बोर्डिंग, प्रवास आणि गंतव्यस्थानाच्या वेळी कोविड संबंधित सर्व निकषांचे पालन करावे लागेल. (संपादन - विवेक मेतकर) | |||
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.