वल्लभनगर (जि.अकोला) ः निंभोरा गट ग्रामपंचायतीच्या मालकीचे तब्बल ४९ प्लॉट परस्पर नागरिकांच्या नावे करण्याचा प्रकार येथे घडला होता. त्यामुळे या प्रकरणाची ग्रामपंचायत सदस्य कल्पना भगत यांनी अकोट फैल पोलिस ठाण्यात १ ऑगस्ट २०१८ रोजी तक्रार दाखल केली होती. परंतु पोलिसांनी या प्रकरणी गुन्हा न दाखल करता गटविकास अधिकारी पंचायत समिती अकोला यांचा अहवाल मागितला होता.
दरम्यान गट विकास अधिकाऱ्यांनी सदर प्रकरणाची चौकशी करुन भूखंड घोटाळा झाल्याचा ठपका ठेवला असून या प्रकरणी पोलिस ठाण्यात गुन्हा दाखल करण्याचे आदेश ग्रामपंचायत सचिव निंभोरा यांना १२ ऑक्टोबर २०२० रोजी दिले आहे आहेत. त्यामुळे या प्रकरणी पोलिस केव्हा गुन्हा दाखल करताता याकडे सर्वांचे लक्ष लागले आहे.
बनावट पावतीबुक प्रकरणी कर्मचारी दोषी
येथे बनावट पावतीबुकच्या आधारे नागरिकांकडून रक्कम वसूल करण्यात आली होती. या प्रकरणात सुद्धा मोठा घोळ झाला होता. दरम्यान संबंधित प्रकरणी ग्रामपंचायत कर्मचारी नितीन देशमुख चौकशीत दोषी आढळला आहे. त्यामुळे त्याच्यावर सुद्धा कारवाई करण्यात येईल.
ग्रामपंचायतीच्या मालकीचे प्लॉट परस्पर नागरिकांच्या नावे करण्याच्या प्रकरणात पोलिस तक्रार दाखल करण्याचे आदेश गट विकास अधिकारी पंचायत समिती अकोला यांनी दिले आहेत. त्यामुळे या प्रकरणी वरिष्ठांसोबत चर्चा करून निर्णय घेण्यात येईल.
- अनंत वावगे, सचिव, ग्रा.पं., निंभोरा, ता. अकोला
(संपादन - विवेक मेतकर)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.