अतिवृष्टीमुळे बाधित झालेल्या शेतीचे पंचनामे होणार !

वाशिम/ अकोला :   ८ ऑक्टोबर ते 11 ऑक्टोबर दरम्यान झालेल्या अतिवृष्टीमुळे सोयाबीन उत्पादक शेतकऱ्याचे अतोनात आर्थिक नुकसान झाले. यामुळे शेतकऱ्यावर उपासमारीची वेळ आली आहे.

याबाबत माजी राज्यमंत्री सुभाष ठाकरे यांनी मदत व पुनर्वसन मंत्री विजय वडेट्टीवार यांना जिल्ह्यातील विदारक परिस्थिती  मांडून जिल्ह्यातील नुकसान ग्रस्त शेतीचे  पंचनामे करून शेतकऱ्यांना आर्थिक मदत द्यावी, अशी मागणी केली होती. याबाबत मदत व पुनर्वसनमंत्री वडेट्टीवार यांनी मदत व पुनर्वसन विभागाचे सचिवांना तातडीने पंचनामे करण्याचे आदेश दिले आहेत.

हे ही वाचा : मुंबईहून आली पाहूणी; उडी घेण्यासाठी निवडली गावातली ८० फूट उंच पाण्याची टाकी

सोयाबीन हे जिल्ह्यातील शेतकऱ्यांचे प्रमुख पीक आहे सोयाबीन हब म्हणून जिल्ह्याची सर्वत्र ओळख आहे. परंतु 8 ऑक्टोबर ते 11 ऑक्टोबर दरम्यान जिल्ह्यात झालेल्या अतिवृष्टीमुळे शेतामध्ये सोंगुण टाकलेली सोयाबीन, शेतात  लावलेल्या सुड्याच्या गंज्या व शेतातील उभ्या पिकाचे अतोनात नुकसान झाले. यामुळे शेतकऱ्याच्या हातातोंडाशी आलेला घास हिरावून घेतला असून शेतकऱ्यावर उपासमारीची वेळ आली आहे.  

• पहिल्यांदाच थाटले रस्त्यावर दुकान अन् पंधरा दिवसातच कमावले तब्बल एक लाख रुपये

याबाबत माजी राज्यमंत्री सुभाष ठाकरे यांनी जिल्ह्यातील विदारक स्थितीची माहिती मदत व पुनर्वसन मंत्री वडेट्टीवार यांच्याकडे मांडून नुकसान ग्रस्त शेतातील पिकांचे सर्वेक्षण तथा पंचनामे करून शेतकऱ्यांना आर्थिक मदत करण्याची मागणी केली होती.

याबाबत मदत व पुनर्वसन मंत्री विजय वडेट्टीवार यांनी  दखल घेत तातडीने  पंचनामे करण्याच्या सूचना संबंधित विभागाच्या सचिवांना दिल्या आहेत.यामुळे माजी मंत्री सुभाष ठाकरे यांच्या प्रयत्नामुळे जिल्ह्यातील नुकसानग्रस्त शेतकऱ्यांना मोठा दिलासा मिळणार आहे.

(संपादन - विवेक मेतकर)