मलकापूर (जि.बुलडाणा) ः शिवाजीनगर येथील ३६ वर्षीय नगिनलाल जैस्वाल हे गावात येत असताना शिवाजीनगर येथील मंदिराजवळ मागून येणाऱ्या ट्रकने त्यांच्या दुचाकीला जोरदार धडक दिल्याने ते खाली पडून त्यांच्या अंगावरून ट्रकचे चाक गेल्याने त्यांचा जागीच मृत्यू झाल्याची घटना आज, १२ नोव्हेंबर रोजी सकाळी घडली. या अपघातात दुचाकीस्वारील अन्य एक जखमी झाला आहे.
या धडकेत जैस्वाल हे खाली पडले व त्यांच्या अंगावरून ट्रकचे चाक गेल्याने त्यांचा जागीच मृत्यू झाला. तर दुचाकीवर असलेला शेख साकीम शेख सरदार रा.पारपेठ हा गंभीर जखमी झाला. त्याला बुलडाणा येथे उपचारार्थ हलविण्यात आले आहे. नगिनलाल जैस्वाल हे शहरातील एका पतसंस्थेत रिकरींगचे काम करीत होते. त्यांच्या पश्चात पत्नी, एक मुलगी, एक मुलगा असा आप्त परिवार असून ते शिवाजीनगरचे नगरसेवक अनिल जैस्वाल यांचे भाचे होते. घटनेची माहिती मिळताच नगराध्यक्ष अॅड.हरीश रावळ यांनी घटनास्थळी जावून मदत कार्य केले. योगेश भारत जैस्वाल यांच्या फिर्यादीवरून ट्रक चालक बिसमिल्ला खान अमिर खान रा.कुरेशी नगर मलकापूर याचे विरूध्द मलकापूर शहर पो.स्टे.ला गुन्हा दाखल करण्यात आला आहे. (संपादन - विवेक मेतकर) |
|||
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.