गावकऱ्यांत कुतुहल; शेतात खोदकामात सापडला भव्य नंदी

गावकऱ्यांत कुतुहल; शेतात खोदकामात सापडला भव्य नंदी

मेहकर (जि.बुलडाणा) : जिल्ह्यातील मेहकरच्या अणिकट परिसरात अनिल माधव इंगळे यांच्या शेतात शेतीकामे काम करत असताना हेमाडपंथी मंदिराचे अवशेष आढळले आहेत. दगडाचे अवशेष आढळल्याने उत्सुकतेतून इंगळे यांनी अजून खोदकाम केलं असता या खोदकामात भव्य नंदी दिसून आले. त्यानंतर आणखी खोदकाम केल्यानंतर कोरीव पायऱ्या, खांब सापडले आहेत. (Buldana Hemadpanthi Temple Discovered In Buldana Mehkar Near Sharangdhar)

मंदिराचे अवशेष आढळल्यानंतर या परिसराला मेहकरचे तहसीलदार गरकल यांनी भेट दिली असून या अवशेषांची माहिती नागपूर येथील पुरातत्व विभागाला देण्यात आली आहे. ते याठिकाणी पाहणी करण्यासाठी येणार आहेत.

गावकऱ्यांत कुतुहल; शेतात खोदकामात सापडला भव्य नंदी
हे तर नवलंच! सातपुड्यातील ‘तेल्यादेवाला’ लागते तंबाखू, बिडी आणि सिगारेटही, जाणून घ्या रंजक कहाणी

पैनगंगेच्या तीरावर हे हेमाडपंथी मंदिर शेकडो वर्षांपूर्वी नदीच्या पाण्यामुळे जलमय झाले असल्याचे जाणकार सांगतात. जमिनीपासून वीस फूट खाली हेमाडपंथी मंदिराचे अवशेष आढळून आले आहे. खोदकाम अजूनही सुरुच असून खोदकामामध्ये अजून काय हाती लागणार, याची उत्सुकता नागरिकांमध्ये आहे.

गावकऱ्यांत कुतुहल; शेतात खोदकामात सापडला भव्य नंदी
शेगावचे गजानन महाराज ‘गण गण गणात बोते’ हा मंत्र का म्हणायचे?

या घटनेची माहिती मिळताच परिसरातील नागरिकांनी इंगळे यांच्या शेतात मोठी गर्दी केली आहे.

कंचनीचा महाल
कंचनीचा महाल

शहराला मोठा ऐतिहासिक वारसा
मेहकर शहराला ऐतिहासिक वारसा लाभलेला आहे. शहरामध्ये शेकडो वर्षे जुना कंचनीचा महाल आहे. ऐतिहासिक असं बालाजी मंदिरही आहे. तसंच ओलांडेश्वर मंदिराच्या बाजूला ऐतिहासिक कुंड दगडी सभामंडप आहे. मेहकर शहराच्या मध्यभागी पाचपीर बाबाचा दर्गा आहे. कंचनीच्या महालाची शीळ अजुनही जानेफळ रस्त्यावर कानावर गुंजत ना. घ. देशपांडेंना काव्यातुन गुंजली आहे. या एैतिहासिक शहराच्या आसपासच्या ग्रामीण भागालाही असेच एैतिहासिक महत्व आहे. त्यात आता एक नवीन भर हेमांडपंथील मंदीराचे अवशेष सापडल्याने पडली आहे.

संपादन - विवेक मेतकर

Buldana Hemadpanthi Temple Discovered In Buldana Mehkar Near Sharangdhar

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com