राज्यमंत्री बच्चू कडूंना अटक होण्यापासून मिळाले संरक्षण

रस्ता अपहार; न्यायालयाचा आदेश; ९ मे रोजी होणार सुनावणी
bachhu kadu
bachhu kadusakal

अकोला : राज्यमंत्री तथा अकोला जिल्‍ह्याचे पालकमंत्री बच्चू कडू यांना अटकेपासून संरक्षण मिळाले आहे. अकोला जिल्ह्यातील रस्ता अपहार प्रकरणात गुन्हे दाखल झाल्यानंतर त्यांनी जिल्हा सत्र न्यायालयात अटक पूर्व जामिनीसाठी गुरुवारी अर्ज केला. त्यांचा अर्ज न्यायालयाने दाखल करून घेत ता. ९ मे रोजी पुढील सुनावणी निश्चित केली आहे. तोपर्यंत त्यांना अटक न करण्याचा निर्देश देवून दिलासा दिला आहे.

अकोला जिल्हा नियोजन समितीमधून निधी मंजूर करताना अस्थित्वात नसलेल्या रस्त्यांसाठी निधी देवून शासन निधीचा अपहार केल्याची तक्रार वंचित बहुजन आघाडीचे प्रदेश उपाध्यक्ष डॉ. धैर्यवर्धन पुंडकर यांनी केली होती. त्यावर न्यायालयाने सिटी कोतवाली पोलिसांना गुन्हे दाखल करण्याचे निर्देश दिल्यानंतर बुधवारी सकाळी पालकमंत्री बच्चू कडू यांच्यावर गुन्हे दाखल करण्यात आले. या प्रकरणात अटक होऊ नये म्हणून कडू यांनी जिल्हा सत्र न्यायालयात धाव घेत अटकपूर्व जामिनासाठी गुरुवारी अर्ज केला.

त्यांच्या अर्जावर सुनावणी घेण्यात आली, मात्र, अटक पूर्व जामिनीवर निर्णय देण्यापूर्वी सरकार पक्षाची बाजू ऐकून घेण्यासाठी न्यायालयाने पुढील सुनावणी ता. ९ मे रोजी निश्चित केली आहे. तोपर्यंत बच्चू कडू यांना अटक न करण्याचे निर्देश न्यायालयाने पोलिसांना दिले आहेत. त्यामुळे ९ मेपर्यंत पालकमंत्र्यांना दिलासा मिळाला आहे. पालकमंत्री बच्चू कडू यांच्यातर्फे न्यायालयात ॲड. बी.के. गांधी बाजू मांडली.

ज्या न्याय व्यवस्थेला बच्चू कडू यांनी दोष दिले त्याच न्यायवावस्थेनं त्यांना अंतरिम जामीन मंजूर केला. त्यामुळे पालकमंत्र्यांनी संविधानाचा सन्मान करायला शिकल पाहिजे. आज न्यायालयाचा जो निकाल आला त्याला सविस्तर वाचून आम्ही पुढील कायदेशीर कारवाई करू.

- डॉ. धैर्यवर्धन पुंडकर, प्रदेश उपाध्यक्ष वंचीत बहुजन आघाडी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com