अकोला : एक लाख ३४ हजार बालकांना मिळणार पोलिओचा डोस! | Sakal
sakal

बोलून बातमी शोधा

Polio vaccine
अकोला : एक लाख ३४ हजार बालकांना मिळणार पोलिओचा डोस!

अकोला : एक लाख ३४ हजार बालकांना मिळणार पोलिओचा डोस!

अकोला : शून्य ते पाच वर्षे या वयोगटातील बालकांचे पल्स पोलिओ लसीकरण(Polio vaccine) रविवार २३ जानेवारी रोजी होणार आहे. त्यासाठी जिल्हा आरोग्य यंत्रणा सज्ज झाली आहे. पोलिओ डोस देताना लसीकरण बुथवरही कोविड नियमांचे पालन काटेकोरपणे करावे, असे निर्देश अपर जिल्हाधिकारी अनिल खंडागळे यांनी आरोग्य यंत्रणांना दिले.

हेही वाचा: अकोला : कारूण्यसिंधूचा वैचारिक प्रवाह खळखळत राहील!

यासंदर्भात अपर जिल्हाधिकारी अनिल खंडागळे यांच्या अध्यक्षतेखाली शुक्रवारी (ता. ७) जिल्हाधिकारी कार्यालयात आढावा घेण्यात आला. यावेळी जागतिक आरोग्य संघटनेचे क्षेत्रीय अधिकारी डॉ. एस. आर. ठोसर, माता बाल संगोपन अधिकारी डॉ. मनीष शर्मा, निवासी वैद्यकीय अधिकारी डॉ. चिमणकर, जिल्हा हिवताप अधिकारी डॉ. आदित्य महानकर तसेच अन्य संबंधित अधिकारी उपस्थित होते. यावेळी आरोग्य यंत्रणांकडून पोलिओ लसीकरणासाठी असलेल्या तयारीची माहिती देण्यात आली. त्यानुसार, जिल्ह्यात (मनपा क्षेत्र वगळून) शून्य ते पाच वर्षे वयोगटातील एक लाख ३४ हजार ४५९ बालकांना पोलिओचा डोस द्यावयाचा आहे. त्यासाठी तीन सदस्य असलेले ५६१ तर दोन सदस्य असलेले ५६२ असे एकूण ११२३ बुथची रचना करण्यात आली आहे.

हेही वाचा: अकोला : सहा दिवसांत आढळले १०८ रुग्ण

मोहीमेसाठी एकूण २८०७ आरोग्य कर्मचारी तैनात असतील. या शिवाय पर्यवेक्षक, गृहभेटीसाठी असे ही कर्मचारी सज्ज आहेत, अशी माहिती देण्यात आली. लसीकरणासाठी कर्मचाऱ्यांचे आवश्यक प्रशिक्षणवर्ग सुरु असून त्याचे वेळापत्रकही निश्चित आहे. अनुषंगिक साहित्य हे १५ जानेवारी पर्यंत लसीकरण अधिकाऱ्यांनी वाटप करावयाचे आहे. तसेच २० जानेवारीपर्यंत लस वाटप करावयाची असून लसीची शितसाखळी नियमित ठेवण्यासाठी आवश्यक साठवण यंत्रेही देण्यात आले आहेत, अशीही माहिती यावेळी देण्यात आली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Akolapolio
loading image
go to top