देऊळगावराजा (जि. बुलडाणा) - पोलिस कर्मचारी असलेल्या महिलेचा शारीरिक व मानसिक छळ केल्याप्रकरणी अंढेरा पोलिसात विविध कलमानुसार गुन्ह्याची नोंद करण्यात आलेली आहे.
याबाबत प्राप्त माहितीनुसार, 7 नोव्हेंबरला पीडित महिला पोलिस कर्मचार्यानी अंढेरा पोलिस स्टेशनला रीतसर तक्रार दाखल केली. त्यात, त्यांचे पती शरद प्रेमचंद सोनुने यांनी तक्रारदार महिलेचा घरच्या मंडळीच्या सांगण्यावरून शारीरिक व मानसिक छळ केला. हा छळ करीत असताना पती शरद सोनुने याने जबरदस्तीने अनैसर्गिक संबंध ठेवून पीडित महिलेला मारहाण केली. घर बांधण्यासाठी कर्ज काढून पैशाची व्यवस्था कर या कारणाने पीडित महिलेचा छळ केला. आंतरजातीय विवाह केल्यामुळे सासरच्या मंडळीने पीडित महिलेच्या पतीला तू या मुलीसोबत लग्न का केले. तुला याहीपेक्षा चांगली मुलगी तसेच हुंडा देणारी मुलगी मिळाली असती या कारणाने छळ केल्याचे नमूद आहे.
यावरून अंढेरा पोलिसांनी सासरच्या मंडळी तसेच पतीच्या विरोधात विविध कलमान्वये गुन्हा दाखल केला असून यात शरद प्रेमचंद सोनुने (पती), प्रेमचंद सोनुने (सासरे), कमलाबाई प्रेमचंद सोनुने (सासू), महिला पोलिस कर्मचारी माया राजेंद्र चिंचोले (नणंद), पोलिस शिपाई सागर प्रेमचंद सोनुने (दीर) राहणार चिखली, राजेंद्र चिंचोले ( पोलिस शिपाई), जिल्हा कारागृह बुलडाणा येथील महिला कर्मचारी संगीता अमोल पठ्ठे (नणंद) व अमोल पठ्ठे (मोठे नंदोइ ) आयआरबी, झांसी, उत्तर प्रदेश अशा आठ जणांविरुद्ध पोलिसांनी गुन्ह्याची नोंद केली. यात विशेष बाब म्हणजे आरोपी मधील दोन महिला व दोन पुरुष हे पोलिस विभागात कार्यरत आहे. याप्रकरणी उपविभागीय पोलिस अधिकारी सुनील सोनवणे यांच्या मार्गदर्शनात अंढेरा पोलिस अधिक तपास करीत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.