Akola Registration: पुण्यातील हल्ल्याचा राज्यभर परिणाम; अकोल्यात नोंदणी कार्यालयांना कुलूप, आठ मागण्यांवर ठाम भूमिका

अकोला : पुणे येथील नोंदणी व मुद्रांक विभागातील सहदुय्यम निबंधक रवींद्र कोळी यांच्यावर शासकीय कर्तव्य बजावत असताना झालेल्या अमानुष मारहाणीच्या निषेधार्थ राज्यातील नोंदणी व मुद्रांक विभागातील अधिकारी व कर्मचाऱ्यांनी सोमवार (ता. २०) पासून बेमुदत कामबंद आंदोलन सुरू केले. आंदोलनाचा थेट परिणाम अकोला जिल्ह्यातील दस्त नोंदणीच्या कामकाजावर झाला. दिवसभर दस्त नोंदणी बंद राहिल्याने मालमत्ता खरेदी-विक्रीचे व्यवहार पूर्णपणे ठप्प झाले. त्यामुळे नागरिकांची गैरसोय झाली असून शासनाच्या महसुलालाही मोठा फटका बसला.