आरोग्यमंत्री राजेश टोपे यांनी पूजा अर्चना करत घेतले वाशीम येथे बालाजीचे दर्शन

सकाळ वृत्तसेेवा
Friday, 1 January 2021

नव्या वर्षाच्या सुरुवातीला संपूर्ण राज्यावरचे संकट जावे, नवीन वर्ष सुखाचे जोवो, संपूर्ण देश कोरोना मुक्त असावा, असे साकडे बालाजीला घातले.

वाशीम : वाशिममधील बालाजी मंदिरात राज्याचे आरोग्यमंत्री राजेश टोपे यांनी आज ( ता. १) पूजा अर्चना करत आरती करून दर्शन घेतलं.

त्यांनी नव्या वर्षाच्या सुरुवातीला संपूर्ण राज्यावरचे संकट जावे, नवीन वर्ष सुखाचे जोवो, संपूर्ण देश कोरोना मुक्त असावा, असे साकडे बालाजीला घातले.

हेही वाचा -  Success Story:दोन एकरात तयार केला संपूर्ण विषमुक्त ‘आहार’, २३ प्रकारच्या भाजीपाला पिकातून अडीच लाखांचे उत्पन्न

नंतर मंत्री राजेश टोपे सकाळी ८ वाजता जगद्गुरू संत सेवालाल महाराज, जगदंबादेवी, राष्ट्रीय संत डॉ. रामरावबापू महाराज समाधीचे दर्शनासाठी व बापूचे उत्तराधिकारी बाबूसिंग महाराज यांची भेट व आशीर्वाद घेण्यासाठी श्री. क्षेत्र पोहरादेवी कडे रवाना झाले.

हेही वाचा -   अकोला जिल्ह्यातील बातम्यांसाठी क्लिक करा

राज्याचे सार्वजनिक आरोग्य व कुटूंबकल्याण मंत्री ना. राजेश टोपे ३१ डिसेंबरला दुपारी मुबंई वरून विमानाने नांदेड येथे आले, तेथून शासकीय वाहनाने वाशिम येथे जिल्हा परिषद अध्यक्ष चंद्रकांत ठाकरे यांचे शासकीय निवस्थान येथे भेट व शासकीय विश्रामगृह येथे मुकाम केला.

हेही वाचा -  थर्टी फर्स्ट सेलिब्रेशनची धम्माल चर्चेत, रविकांत तुपकरांनी खालली शेतकऱ्यासोबत चटणी-भाकर

त्यानंतर नववर्षाच्या सकाळी ६:०० वाजता वाशिम येथे श्री बालाजी देवस्थानाला भेट देऊन पूजा अर्चना केली. त्यानंतर श्रीक्षेत्र पोहरादेवी येथे जगद्गुरू संत सेवालाल महाराज, जगदंबादेवी, राष्ट्रीय संत डॉ. रामरावबापू महाराज समाधीचे दर्शनासाठी व बापूचे उत्तराधिकारी संत बाबूसिंग महाराज यांची भेट व आशीर्वाद घेण्यासाठी रवाना झाले.

(संपादन - विवेक मेतकर)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Washim Marathi News Health Minister Rajesh Tope pays homage to Balaji at Washim