अकोला : जिल्हा कौशल्य विकास, रोजगार व उद्योजकता मार्गदर्शन केंद्र, शासकीय औद्योगिक प्रशिक्षण संस्था यांच्या संयुक्त विद्यमाने गुरुवार, ता. ८ डिसेंबर रोजी पंडित दीनदयाल उपाध्याय रोजगार मेळाव्याचे आयोजन जिल्हाधिकारी कार्यालय परिसरात आयोजित करण्यात आले आहे. या मेळाव्यात २७२ पदांसाठी भरती प्रक्रिया राबविली जाणार आहे. इच्छुक पात्रताधारकांनी या मेळाव्यात सहभागी व्हावे, असे आवाहन जिल्हा कौशल्य विकास, रोजगार उद्योजकता मार्गदर्शन केंद्राचे सहायक आयुक्त द.ल. ठाकरे यांनी केले आहे.

पंडित दीनदयाल उपाध्याय रोजगार मेळाव्याचे आयोजन गुरुवारी सकाळी ११ ते दुपारी ३ या वेळात करण्यात आले आहे. या मेळाव्यात आवास फायनान्स सर्व्हीस साठी रिलेशन ऑफिसर, टीमलेसे सर्व्हीसेस प्रा.लि. साठी- ट्रेनी इंजिनियर, क्यूस कॉर्प लि. साठी सेल्स एक्झिक्युटिव्ह, हिंदुजा लेयलँड प्रायनान्स लि. साठी मार्केटींग एक्झिक्युटीव्ह, निर्माण मल्टीस्टेट को.ऑ.क्रेडीट सोसायटी, अकोलासाठी ब्रॅच एक्झिक्युटीव्ह/क्लार्क, कृषी माहिती तंत्रज्ञान केंद्र, वाडेगावसाठी प्रकल्प अधिकारी, भांडारपाल, ॲग्रीकलचर इंजिनियर आदी पदांसाठी मुलाखती होतील. एकूण २७२ पदांसाठी भरती प्रक्रिया राबविली जाणार आहे.

इच्छुक पात्र उमेदवारांनी आपल्या बायोडाटा, शैक्षणिक कागदपत्रे, आधारकार्ड, पासपोर्ट फोटो सह स्वखर्चाने उपस्थित रहावे. अधिक माहितीसाठी जिल्हा कौशल्य विकास, रोजगार उद्योजकता मार्गदर्शन केंद्र अकोला या कार्यालयाशी संपर्क साधावा, असे आवाहन करण्यात आले आहे.