नवी दिल्ली : जागतिक बाजारातील नकारात्मक संकेतांमुळे आणि नफेखोरीमुळे सरलेल्या आठवड्यात (शुक्रवार) बाजारातील वातावरण ढवळून निघाले. परिणामी सेन्सेक्समधील टॉप 10 कंपन्यांपैकी सहा कंपन्यांच्या एकत्रित बाजार भांडवलात रु.57,015.31 कोटींची घसरण झाली.

सरलेल्या आठवड्यात आघाडीच्या 10 कंपन्यांमध्ये आयटीसी आणि एचडीएफसी बॅंकेला सर्वाधिक फटका बसला. त्याचप्रमाणे रिलायन्स इंडस्ट्रीज, एचडीएफसी बँक, आयटीसी, इन्फोसिस, एचडीएफसी आणि कोल इंडियाच्या बाजारभांडवलात मोठी घसरण झाली. तर याउलट टीसीएस, ओएनजीसी, स्टेट बँक आणि हिंदुस्थान युनिलिव्हर या कंपन्यांचे बाजारभांडवल वधारले आहे.

कंपनी --------------------------बाजारमूल्यातील वाढ ------------------ नवे बाजारमूल्य (कोटी रु.)
टीसीएस----------------------------- 3,566.48 -------------------------- 4,18,351.41
एसबीआय ------------------------- 2,173.57 ----------------------------2,14,019.76
ओएनजीसी ----------------------------1,668.32 -------------------------- 2,35,532.64
एचयूएल --------------------------- 638.46 ------------------------------ 1,73,975.22

कंपनी -----------------------------बाजारमूल्यातील घट ------------------ नवे बाजारमूल्य (कोटी रु.)
एचडीएफसी ----------------------- 3,193.62 ------------------------------ 1,98,209.12
आयटीसी --------------------------- 18,293.73 --------------------------- 2,76,102.08
इन्फोसिस -------------------------- 470.87 ------------------------------- 2,11,272.97
एचडीएफसी बॅंक ---------------------- 16,340.82 -------------------------- 3,08,869.59
कोल इंडिया ----------------------------14,207.98 -------------------------- 1,90,505.39
रिलायन्स इंडस्ट्रीज------------------------ 4,508.29 ------------------------ 3,20,283.29

शुक्रवारी (ता.18 नोव्हेंबेर) मुंबई शेअर बाजाराचा निर्देशांक सेन्सेक्स 77 अंशांच्या घसरणीसह 26,150.24 पातळीवर बंद झाला. तर राष्ट्रीय शेअर बाजाराचा निर्देशांक निफ्टी 7 अंशांच्या किरकोळ घसरणीसह 8,074.10 पातळीवर बंद झाला.