मुंबई: देशातील आघाडी बॅंक असलेल्या एचडीएफसी बॅंकेने जूनअखेर पहिल्या तिमाहीत दमदार कामगिरी करत 5,568.2 कोटी रुपयांचा नफा कमावला आहे. एचडीएफसी बॅंकेच्या नफ्यात घवघवीत 20.8 टक्क्यांची वाढ झाली आहे. मागील वर्षी मार्चअखेर एचडीएफसी बॅंकेला 4,601.44 कोटी रुपयांचा नफा झाला होता. विश्लेषकांनी बॅंकेला 5,865 कोटी रुपयांचा नफा होण्याचा अंदाज वर्तवला होता. 

बॅंकेला निव्वळ व्याजातून मिळणाऱ्या उत्पन्नात 28.8 टक्क्यांची वाढ होत उत्पन्न 10,813.6 कोटी रुपयांवर पोचले आहे. बॅंकेचे एकूण थकित कर्ज 11,769 कोटी रुपये आहे तर निव्वळ थकित कर्ज 3,567 कोटी रुपये आहे. मार्चअखेर बॅंकेने 5,885.1 कोटी रुपयांचा नफा नोंदवला होता.