मुंबई - रिझर्व्ह बँकेने (आरबीआय) व्याजदरात कपात केल्यानंतर सार्वजनिक आणि खासगी क्षेत्रातील बँकांनी व्याजदर कपातीचा धडाका लावला आहे. आता पंजाब नॅशनल बँक (पीएनबी) आणि युनियन बँकेने व्याजदरात कपात केली आहे.
पीएनबीने रेपो दराशी संलग्न कर्जदरात (आरएलएलआर) 0.40 टक्क्याची कपात केली आहे. यामुळे नवीन कर्जदर 7.05 टक्क्यांवरून कमी होत 6.65 टक्क्यांवर आला आहे. याचप्रमाणे बँकेने मार्जिनल कॉस्ट लेंडिंग रेटमध्ये (एमसीएलआर) 0.15 टक्के कमी केला आहे. यामुळे कर्जदारांना दिलासा मिळणार आहे.
युनियन बँकेने देखील रेपो आधारित कर्ज दरामध्ये कपात केली आहे. युनियन बँकेने एक्सटर्नल बेंचमार्क लेंडिंग रेट (ईबीएलआर)मध्ये 0.40 टक्क्याची कपात केली असून नवीन दर 6.80 टक्क्यांपर्यंत खाली आणला आहे. नवे दर 1 जूनपासून लागू झाले.करण्यात आले आहे.
श्रीमंत होत रिटायर होण्यासाठी लक्षात घ्या 'या' टिप्स
आरबीयाचे गव्हर्नर शक्तिकांत दास यांनी 22 मे रोजी रेपो दरात 0.40 टक्के कपातीची घोषणा केली होती. आता रेपो दर 4 टक्क्यांवर आला आहे. आरबीआयचे द्विमाही पतधोरण 6 जून रोजी पतधोरण जाहीर होणार होते. मात्र त्याआधीच व्याजदर कपात करून बँकेने सर्वसामान्यांना दिलासा दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.