पुणे : शहरातील कचरा घेऊन जाणा-या ट्रकला कोणत्याही प्रकारचे झाकण नसते. हे ट्रक्स गर्दीच्या रस्त्यावरुन जातात. त्यातील जागोजागी कचरा पडतो. कित्येकदा हा कचरा आजुबाजुच्या दुचाकीधारक, पादचाऱ्यांच्या अंगावर पडतो. त्या कचऱ्यावर कावळे, घार, माश्या घोंगावत असतात. यामुळे रोगांचा संसर्ग आणि प्रदूषण होऊन आरोग्याला धोका निर्माण होऊ शकतो. यामुळे पावसाळ्यात अधिक रोग पसरू शकतात. आपल्या शहराचे सौंदर्य टिकवून ठेवण्यासाठी आणि कमीत कमी स्वच्छ वातावरण निर्माण करण्यासाठी प्रामाणिक प्रयत्न करावे. खुल्या कचरा वाहक गाड्यांना व्यवस्थित झाकवे अशी महापालिकेला विनंती आहे.