पंचांग -

शनिवार : ज्येष्ठ कृष्ण ५, चंद्रनक्षत्र श्रवण/धनिष्ठा, चंद्रराशी मकर/कुंभ, चंद्रोदय रात्री ११.१४, चंद्रास्त सकाळी ९.५२, सूर्योदय ५.५९, सूर्यास्त ७.११, भारतीय सौर ज्येष्ठ २८ शके १९४४.

दिनविशेष -

२०१४ : भारतीय जनता पक्षाचे ज्येष्ठ नेते मुरलीमनोहर जोशी यांना रशियाचा विदेशी नागरिकांना दिला जाणारा सर्वोच्च पुरस्कार ‘ऑर्डर ऑफ फ्रेंडशिप’ रशियाचे उपपंतप्रधान दिमित्री ओ‘रोगोझिन यांच्या हस्ते प्रदान.

२०१४ : देशाच्या अणुतंत्रज्ञानाचे व संशोधनाचे जनक डॉ. होमी भाभा यांच्या ‘मेहेरंगीर’ या बंगल्याची ३७२ कोटी रुपयांना विक्री झाली. हा बंगला गोदरेज अँड बोइस मॅन्युफॅक्‍चरिंग लिमिटेडचे अध्यक्ष जमशेद गोदरेज यांच्या कुटुंबीयांनी लिलावात विकत घेतला.

२०१६ : अवनी चतुर्वेदी, भावना कंठ आणि मोहना सिंह या तीन रणरागिणींनी लढाऊ विमानांच्या पहिल्या महिला वैमानिक होण्याचा मान मिळविला.