पंचांग -

शनिवार : कार्तिक कृष्ण ३०, चंद्रनक्षत्र अनुराधा, चंद्रराशी वृश्‍चिक, चंद्रोदय स. ७.२८, चंद्रास्त सायं. ६.०२, सूर्योदय ६.५३, सूर्यास्त ५.५५, दर्श अमावास्या, खग्रास सूर्यग्रहण, अमावास्या समाप्ती दु. १.१३, भारतीय सौर मार्गशीर्ष १४ शके १९४३.

दिनविशेष

१८८८ : थोर इतिहासकार रमेशचंद्र मुजुमदार यांचा जन्म. त्यांनी अकरा खंडांत, नऊ हजार पानांमध्ये भारताचा इतिहास प्रसिद्ध केला.

१९२४ : ‘भारताचे प्रवेशद्वार’ म्हणून ओळखले जाणाऱ्या ‘गेट वे ऑफ इंडिया’चे उद्‌घाटन.

२००४ : विशेष सामाजिक कार्याबद्दल ज्येष्ठ सामाजिक कार्यकर्ते बाबा आमटे यांना चौथा पावलोस मार ग्रेगोरिअस पुरस्कार जाहीर. ज्येष्ठ विचारवंत डॉ. पावलोस मार ग्रेगोरिअस यांच्या स्मरणार्थ हा पुरस्कार दिला जातो.

२००६ : भारताची ग्रॅंडमास्टर कोनेरू हंपीने दोहा आशियाई क्रीडा स्पर्धेत भारताचे पहिले सुवर्णपदक जिंकण्याचा पराक्रम केला.

२०१६ : आशिया करंडक ट्‌वेंटी-२० महिलांच्या क्रिकेटमधील वर्चस्वावर भारताने शिक्कामोर्तब केले. पारंपरिक प्रतिस्पर्धी पाकिस्तानचा साखळी लढतीनंतर अंतिम सामन्यात पुन्हा पराभव केला आणि सलग सहाव्यांदा विजेतेपदाचा बहुमान मिळविला. मिताली राजने या स्पर्धेत सर्वोत्तम खेळाडूचा पुरस्कार मिळवला.