Earthquake in Uttar Pradesh : लखनऊसह उत्तर प्रदेशातील अनेक जिल्ह्यामध्ये भूकंपाचे धक्के जाणवले आहे. जाणवलेल्या या भूकंपाची तीव्रता रिश्टर स्केलवर 5.2 इतकी होती. तर भूकंपाचा केंद्रबिंदू जमिनीपासून ८२ किमी खोलीवर असल्याने त्याचा फारसा परिणाम झाल्याचे दिसून आले नाही. लखनौ हे या भूकंपांचे केंद्र होते. रात्री उशिरा 1 वाजून 12 मिनिटांनी लखनऊला आलेल्या 5.2 तीव्रतेच्या भूकंपाचा केंद्रबिंदू राजधानीपासून 139 किमी अंतरावर ईशान्येकडे सांगण्यात येत आहे. नॅशनल सेंटर फॉर सिस्मॉलॉजीने यासंदर्भात माहिती दिली आहे. मात्र, या घटनेत अद्याप कोणतीही जीवित किंवा वित्तहानी झाल्याचे वृत्त समोर आलेले नाही.

एनसीएसच्या म्हणण्यानुसार, लखनऊच्या आसपास लखीमपूर खेरी वगळता इतर अनेक जिल्ह्यांमध्ये भूकंपाचे धक्के जाणवले आहेत. तर, मुरादाबाद आणि नोएडामध्येही भूकंपाचे सौम्य धक्के जाणवल्याचे सांगितले जात आहे. याआधी शुक्रवारी उत्तराखंडच्या
पिथौरागढ भागात भूकंपाचे सौम्य धक्के जाणवले, जो रिश्टर स्केलवर 3.6 तीव्रतेचा होता.