पुणे : आपल्या वैशिष्ट्यपूर्ण अभिनयाने भारतीय प्रेक्षकांच्या मनावर अधिराज्य गाजविणारी अभिनेत्री श्रीदेवी यांचे ह्रदयविकाराच्या झटक्याने दुबईत आज (रविवारी) पहाटे अडीचच्या सुमारास निधन झाले. दुबईत त्या एका लग्नसमारंभासाठी गेल्या होत्या. याठिकाणीच त्यांना हृदयविकाराचा झटका आला. या लग्नसमारंभातील श्रीदेवींचा व्हिडिओ सोशल मिडीयावर व्हायरल झाला आहे.

या व्हिडिओमध्ये त्या लग्नात आनंदाने वावरताना दिसत आहेत. मात्र, त्यांना हृदयविकाराचा तीव्र झटका आला आणि त्यांची प्राणज्योत मालविली. चंदेरी दुनियेत गेली अनेक दशके लुकलुकणारी "चाँदनी" 54 व्या वर्षी अचानक लुप्त पावल्याने तिच्या लाखो चाहत्याना मोठा धक्का बसला आहे.