बंगळुरू: कर्नाटकमधील एका शेतकऱयाने पीकविमासाठी भरले 350 रुपये आणि केंद्र सरकारकडून दोन रुपयांचा चेक शेतकऱयाला मिळाला आहे. राज्यातील अनेक शेतकऱयांना दोन, तीन व पाच रुपयांचे चेक आले आहेत, हे चेक पाहून अधिकारीही आश्चर्यचकीत झाले आहेत.

बेल्लारी जिल्ह्यातील दुष्काळग्रस्त भागाचा केंद्र सरकारच्या अधिकाऱ्यांनी दौरा केला होता. शेतकऱ्यांची दुर्दशा अधिकाऱयांनी पाहिली होती. गेल्या दोन वर्षांपासून पीक विम्यासाठी प्रीमियमच्या स्वरूपात पैसे भरूनही विमा मिळाला नव्हता. यावेळी मात्र एका शेतकऱयाला दोन रुपयांचा चेक आला आहे. या शेतकऱयाने 350 रुपये पीकविम्यासाठी भरले आहेत. तिसऱ्या वर्षी विमा कंपनीकडून मिळालेला दोन रुपयांचा चेक या शेतकऱ्याने संबंधित अधिकाऱ्यांना दाखवला. शेतकऱ्याकडील तो चेक पाहून अधिकाही आश्चर्यचकीत झाले.

दरम्यान, विविध शेतकऱयांना दोन, तीन व पाच रुपयांचे चेक आल्यामुळे चर्चेचा विषय ठरला आहे. संबंधित वीमा कंपनीकडे याबाबत अधिकाऱ्यांनी विचारणा केली आहे.