नवी दिल्ली : भारतीय दूरसंचार नियामक प्राधिकरणाचे (ट्राय) नवीन डीटीएच आणि केबल टिव्ही नियम लागू झाल्यानंतर केबल ऑपरेटर्स आणि डीटीएच सर्विस प्रोवाइडर्स यांनी आपल्या ग्राहकांसाठी नवीन पॅक्स आणले आहेत. आपल्या यूजर्सना वेळेत आणि योग्य पद्धतीने प्राधिकरणाने केबल टिव्हीच्या पॅक्सची निवड करण्यासाठीच्या कालावधीचा अवधी 31 मार्च पर्यंत वाढवून दिला आहे. यामुळे रेग्युलेशन च्या अनुशंगाने केबल ऑपरेटर्स आणि डीटीएच ऑपरेटर्स, यूजर्सना त्याच वाहिन्यांसाठी चार्ज लावतील ज्या त्यांना बघायच्या आहेत.

मात्र, काही असे यूजर्स सुध्दा आहेत ज्यांनी नवीन नियमांनुसार आपले पॅक्स आणि वाहिन्यांची निवड केलेली नाही. या यूजर्ससाठी ट्राय ने एक नवीन 'बेस्ट फिट प्लॅन' देखील नुकताच लाँन्च केला आहे. या प्लॅन नुसार, यूजर्सना 31 मार्च 2019 पर्यंत आपल्या आवडत्या वाहिन्यांची निवड करावी लागणार आहे.

 

जर आपण आतापर्यंत नव्या नियमानुसार पॅक्सची निवड केलेली नाही तर आपण 'बेस्ट फिट प्लॅन' ची निवड करु शकता. हे लक्षात घेण्यासारखे आहे की, सगळ्या डीटीएच ऑपरेटर्सने आपल्या प्लॅन्सची किंमत कमी केली आहे.
ज्यात डिश टिव्ही, सन डायरेक्ट, टाटा स्काय यांचा समावेश आहे. ग्राहकांना 100 वाहिन्यांचे 130 रुपये पेक्षा जास्त पैसे महिन्याचे द्यावे लागणार नाही, असे प्राधिकरणाकडून ठरविण्यात आले आहे. मात्र, जर ग्राहकांना 100 पेक्षा जास्त वाहिनी निवडायच्या असतील तर 101 वाहिनी ते 125 वाहिनी पर्यंत 20 रुपये जास्तीचे मोजावे लागतील.