आगामी काळातील विधानसभा निवडणुकांच्या (Assembly elections 2022) पार्श्वभूमीवर उत्तर भारतात राजकीय हालचालींना वेग आला आहे. एकीकडे उत्तर प्रदेश आणि दुसरीकडे पंजाबसारख्या महत्वाच्या राज्यांमध्ये सत्ता मिळवण्याासाठी भाजप, काँग्रेससह आम आदमी पक्षानेही जोरदार तयारी सूरू केली आहे. त्यातच आता दिल्लीचे मुख्यमंत्री अरविंद केजरीवाल (CM Arvind Kejriwal) यांनी रविवारी केंद्रीय यंत्रणांवर निशाणा साधला आहे. निवडणुकीच्या पार्श्वभूमीवर ED कडून दिल्लीचे आरोग्य मंत्री सत्येंद्र जैन (Delhi Health Minister Satyendar Jain) यांना अटक होऊ शकते असं केजरीवाल यांनी सांगितलं आहे.

पंजाबमध्ये यंदा आम आदमी पक्षाने जोरदार तयारी सुरू केली आहे. काँग्रेसनंतर आम आदमी पक्षच पंजाबमध्ये मोठा पक्ष असेल अशी शक्यता राजकीय विषयातील तज्ञांकडून व्यक्त केली जातेय. त्याच पार्श्वभूमीवर आप आणि भाजपमधील संघर्ष वाढत जाताना दिसत आहे. आम्हाला आमच्या सूत्रांकडून कळलं आहे की, पंजाबमधील निवडणुकीच्या अगोदर दिल्लीचे आरोग्य मंत्री सत्येंद्र जैन यांना ED अटक करणार आहे. सत्येंद्र जैन यांच्या मालत्तांवरवर यापूर्वी दोनदा ED ने छापे टाकले, मात्र ते रिकाम्या हाताने परतले असंही ते म्हणाले आहेत.